Quantum redactiones paginae "Curtius Joël" differant

'''Curtius''' (Theod. ''Curt'' vel ''Kurt'') '''Ioël''' (natus [[18 Ianuarii]] [[1865]] oppido ''Greiffenberg'' ([[Silesia]]), mortuus [[15 Aprilis]] [[1945]] [[Berolinum|Berolini]]) vir publicus [[Germania]]e nullius factionis fuit.

 

Joël Iudaica origine fuit. Postquam maturitatem adeptus est, [[Iena]]e, [[Friburgum Brisgoviae|Friburgi]], [[Berolinum|Berolini]] iurisprudentiae studebat atque anno [[1888]] primam, anno [[1893]] secundam probationem accepit. Eodem anno doctor iurisprudentiae promotus est. Deinde assessor minister publicus iustitiae [[Borussia]]e laboravit. Ab anno [[1899]] delator publicus [[Hannovera]]e et Berolini fuit, ab anno [[1908]] minister in Magistratu Imperii Iustitiae. [[Bellum Orbis Terrarum I|Bello Orbis Terrarum I]] in administratione [[Belgica]]e occupatae vigiles [[Bruxellae|Bruxellarum]] rexit et exploratores hostium arcebat. [[1 Octobris]] [[1917]] director in Magistratu Imperii Iustitiae factus est.

 

Joël, qui ipse nullius factionis sodalis erat, anno [[1920]] secretarius statalis in [[Administer Imperii Iustitiae (Germania)|Administerio Imperii Iustitiae]] factus est et variis sub administris ad annum [[1931]] mansit. [[16 Aprilis]] [[1924]] - [[15 Ianuarii]] [[1925]] officia Administri Iustitiae administrabat, sed ipse administer non fuit. Item a die [[5 Decembris]] [[1930]] administerium administrabat et [[10 Octobris]] [[1931]] ipse administer factus est, quamquam tum iam aetate provectus erat. Cum aliis administris consilii ministrorum [[Henricus Brüning|Brüning]] [[30 Maii]] [[1932]] magistratum reliquit et vacatio muneris ei data est<ref>Wolfgangus Benz/Hermannus Graml: Biographisches Lexikon zur Weimarer Republik, [[Monachium|Monachii]] [[1988]]</ref>.

 

 

== Notae ==

 

{{DEFAULTSORT:Joel, Curtius}}

[[Categoria:Nati 1865]]

[[Categoria:Alumni Universitatis Ienensis]]

[[Categoria:Alumni universitatum Berolinensium]]

[[Categoria:Administri Imperii Iustitiae (Germania)]]