Quantum redactiones paginae "Ludgerius Westrick" differant

'''Ludgerius''' ([[Theodisce]]: ''Ludger'') '''Westrick''' (natus [[23 Octobris]] [[1894]] [[Monasterium (Germania)|Monasterii]], mortuus [[31 Iulii]] [[1990]] [[Bonna]]e) fuit vir publicus [[Germania]]e et sodalis [[Christiana Democratica Unio Germaniae|Christianae Democraticae Unionis Germaniae]].

 

Pater fuit magister gymnasii, qui Ludgero quattuor annos nato mortuus est. Unus ex sex liberi familiae fuit. Tamen et ipse gymnasium frequentare potuit. Postquam Monasterii maturitatem anno [[1914]] adeptus est, miles [[Bellum Orbis Terrarum I|Bello Orbis Terrarum I]] interfuit. Bello composito, Westrick Monasterii, [[Berolinum|Berolini]], [[Vindobona]]e [[Colonia Agrippina|Coloniaeque]] iurisprudentiae et commercio studebat et anno [[1921]] primam probationem accepit et doctor promotus est. Deinde in Societate Coniuncta Chalybis rector venditionum laboravit. Ab anno [[1933]], director Societatis anonymae Aluminii, postea Coniunctarum Societatum Industriae fuit. [[Bellum Orbis Terrarum II|Bello Orbis Terrarum II]] composito, annis [[1948]]–[[1951]] pro societate metallarum [[carbo]]nis operam dedit.

 

[[Ludovicus Erhard]] [[Administer Foederalis Oeconomiae]] Westrick anno [[1951]] secretarium civitatis in suo administerio fecit. Cum Erhard [[17 Octobris]] [[1963]] cancellarius foederalis factus esset, Westrick eodem magistratu in [[Officium Cancellarii Foederalis|Officio Cancellarii Foederali]] fungebatur. Anno [[1964]], [[Administer Foederalis Officiorum Praecipuorum]] nominatus est, quod secretarii statales non plus quam septuaginta annos nati esse licuit. Eodem anno, sodalis honorarius factionis CDU factus est. Die [[15 Septembris]] [[1966]], ipse a magistratu se recessit, sed officia ad [[30 Novembris]] eius anni duxit.

 

 

{{Administri Foederales Officiorum Praecipuorum (Germania)}}

 

{{Lifetime|1894|1990|Westrick, Ludger}}

[[Categoria:Participes Belli Orbis Terrarum I]]

[[Categoria:Alumni Universitatis Monasteriensis]]

[[Categoria:Alumni universitatum Berolinensium]]

[[Categoria:Alumni Universitatis Vindobonensis]]