|
[[ImagoFasciculus:Faustyna Kowalska.png|thumb|Faustina Kowalska]]
'''[[Sancta]] Faustina''' sive '''Maria Faustina Kowalska''' (nata '''Helena Kowalska''' est [[dies| die]] [[15 Augusti]] [[1905]] - obiit [[dies| die]] [[5 Octobris]] [[1938]]) est [[sanctus| sancta]] [[Polonia|Polonica]]. Fuit sanctimonialis [[Polonia| Poloniensis]] Congregationis Dominae-Nostrae Misericordiae. Ab [[Ecclesia Catholica Romana]] [[dies| die]] [[5 Octobris]] celebratur.
'''Helena Covalsca''' [[dies| die]] [[25 Augusti]] [[1905]] in [[Polonia]] nata est. Vocationem ad vitam sanctimonialem iam aetatis octavo [[annus| anno]] percepit. In Congregationem Dominae-Nostrae Misericordiae sororum aetatis vicesimo primo [[annus| anno]] cooptata est, [[dies| die]] [[1 Augusti]] [[1925]], Soror Maria Faustina [[cognomen| cognomine]]. Aetatis tricesimo tertio [[annus| anno]] obiit, [[dies| die]] [[5 Octobris]] [[1938]].
Promissiones, quas a [[Iesus| Iesu]] acceptas adseruit, in ''Parvo Diario'' ab ipsa posteris relicto legi possunt. Ad omnes imprimis [[Dies Domini| dominicum]] Misericordiae [[dies| diem]] celebraturos pertinent. Faustina deinde declaravit [[Iesus| Iesum]], revelationibus evenientibus, iterum iterumque ab ea petivisse ut [[imago]] quaedam mirabilis coleretur, per orationis propriae recitationem : "''Tibi polliceor''", inquit, "''[[anima]]m hanc [[imago| imaginem]] colentem non perituram.''" Denique : "''Per hanc [[imago| imaginem]]''", inquit, "''[[anima]]e a me [[gratia]]s accipient plurimas... quaeque igitur [[anima]] ad eam accedendi potestatem habeat.''"
[[Ioannes Paulus II]], Faustinam millenarii postremam [[canonizatio| canonizando]], et Misericordiae festum in [[Ecclesia Catholica]] instituendo, dilucide illuminavit qualis [[sancta]]e illae vita fuisset. Soror Maria Faustina [[dies| die]] [[18 Aprilis]] [[1993]] [[beatificatio| beatificata]], deinde [[dies| die]] [[30 Aprilis]] [[2000]] [[Roma]]e [[canonizatio| canonizata]] est. Posthac [[sancta]]e Faustinae [[nomen| nomine]] colitur.
== Vita eius ==
'''Helena Kowalska''' tertia ex [[decem]] domus [[paupertas| pauperis]] [[liberi]]s fuit. [[annus| Annos]] [[quindecim]] nata, post [[tres]] dumtaxat [[schola]]sticos [[annus| annos]], operari pro domo sua coepit. Circa eamdem aetatem vocationem percepit et pro certo habuit se a [[Deus| Deo]] ipso ad vitam sanctimonialem vocari. Helena [[Varsovia]]m profecta, in nonnulla asceteria experta est ut admitteretur, et semper recusata. Tandem in Congregationem Sororum Dominae-Nostrae Misericordiae admissa est, ubi [[dies| die]] [[30 Aprilis]] [[1926]] [[professio religiosa|vota]] nuncupavit, [[nomen| nomine]] Sororis Mariae Faustinae Sancti Sacramenti electo.
Soror Faustina adseveravit se vidisse [[Iesus| Iesum]] [[Maria]]mque, cumque illis iterum iterumque locutam esse. Deinde futura [[sancta]] Faustina in Libello diario suo scripsit [[Iesus| Iesum]] aperuisse quae sibi agenda essent : hoc est devotionem erga [[Deus| Dei]] Misericordiam vulgare. [[Iesus]] [[dies| die]] [[22 Februarii]] [[1931]] illi apparuerit, [[candidus| candido]] indutus veste, ut "[[Rex]] divinae Misericordiae", dextra [[manus| manu]] ad benedicendum sublata, altera in pectore vestem tangente. Duo lucidi radii ex [[cor]]de eius emicabant, alter [[ruber]], alter [[candidus]]. Faustina, ex praeceptis quae a [[Christus| Christo]] accepta dicebat, illius visi effigies depinxit. Aliquot effigies, Patre Michael Sopoćko adiuvante, [[Cracovia]]e [[Vilna]]eque distribuit ante quas homines [[oratio| orare]] coeperunt. Quamvis parvae [[scientiaScientia (ratio)|scientiae]]e esset, diarium tamen intimum conscripsit, qui denique, ''Misericordia divina in [[anima]] mea : Diarius [[sancta]]e Faustinae'' inscriptus editus, est. Frustra conata est invenire "Congregationem quae [[Deus| Dei]] Misericordiam erga universam [[Tellus (planeta)| terram]] praedicaret et illam [[oratio| orando]] impetraret", sed numquam asceterium relinquendi licentiam impetravit.
Faustina, anno [[1936]] in gravem [[morbus| morbum]] delapsa, videlicet [[phthisis| phthisem]] (vel [[tuberculosis| tuberculosem]]), in [[valetudinarium]] civitatis Pradnik translata est. Ibi per multas horas orabat, divinae Misericordiae [[rosarium (oratio)| rosarii orationem]] recitans, comprecansque [[Deus| Deo]] pro peccatorum conversione. Per duos postremos vitae eius annos Diarium composuit. Scribendi facultate [[Iunius| Iunio]] [[1938]] eguit, patuitque Faustinam de vita paulo post exituram esse. Obiit die 5 Octobris. Cum [[abbas| abbatissa]] eius cellam tergebat, loculum aperuit in quo divinae Misericordiae picturas invenit.
== [[Canonizatio]] et [[Dies Domini| Dominici diei]] Misericordiae institutio ==
Anno [[1958]], [[Sancta Sedes]] decretum operas divinae Misericordiae Instituti condemnans prodidit. Postea illa condemnatio falsis interpretationibus adsignata est, ruditate Sororis Faustinae non adspecta. Illa enim [[orthographia]] interpunctioneque male utebatur; inde multae sententiae obscurae in Diario tamquam [[haeresis| haereticae]] acceptae sunt. Pater Sopocko tamen severe obiurgatus est, et omnia a se acta deleta sunt.
[[Archiepiscopus]] tamen [[Cracovia| Cracoviensis]] concessit picturam archetypam ita in sanctimonialium sacello permanere, ut ante istam, quemadmodum solebant, [[prex| orare]] possent.
Denique, [[Karol Wojtyla]], tunc [[archiepiscopus]] [[Cracovia| Cracoviensis]], futurus [[Ioannes Paulus II]] [[Papa| Pontifex Maximus]], effecit ut novae investigationes de Faustinae diario vitaque fiant. Inde Divinae Misericordiae devotio denuo licuit. Faustina die [[18 Aprilis]] [[1993]] [[beatificatio| beatificata]], deinde die [[30 Aprilis]] [[2000]] [[canonizatio| canonizata]] est.
Divinae Misericordiae dies prima [[Dies Domini| die Dominica]] post Paschas celebratur.
== Vide etiam ==
|
