Quantum redactiones paginae "Angkor Wat" differant

'''Angkor Wat''' ([[scriptura Khmer]] អង្គរវត្ត; scilicet 'urbs quae est templum'), in [[silva|silvis]] [[Cambosia]]nis reconditum, est [[templum]] maximum [[Hinduismus|Hinduicum]] aediumque religiosarum [[tellus|totius orbis terrarum]] maxima. [[Aedificium|Aedificatum]] est [[saeculum 12|saeculo duodecimo]] a [[rex|rege]] [[Suryavarmanus II|Suryavarmano II]] in [[regio]]ne [[metropolis|metropolitana]] ruinosa quae simplicissime ''[[Yasodharapura|Angkor]]'', scilicet 'urbs' nuncupatur. Maioribus [[Sivus|Śivo]] venerantibus, rex Suryavarmanus [[deus|deo]] [[Visnus|Visnu]] novum templum suum sacravit.

 

Nomen in [[lingua Khmer]] hodierna e duobus verbis [[Lingua Sanscritica|Sanscritico]] et [[Lingua Palica|Palico]] deducitur. E Sanscritico नगर ''nagara'' 'urbs' verbum mediaevale នគរ ''nokor'' mutuatum est, unde hodiernum អង្គរ ''angkor''. E Palico वास ''[[vasa (monasterium)|vāsa]]'' 'habitatio [monachorum]' verbum វត ''wat'' provenit. Sed hoc nomen magna urbe iam fere deserta ortum est; tunc enim, neque antea, 'urbs quae est templum'<ref>"Angkor Wat: 'the city which is a temple'": Rooney (1994) p. 84.</ref> nuncupare convenit sine designatione propria. Ipsa urbs nomine [[Yasodharapura]] olim sacrata est, sed, inscriptionibus carentibus, nomen quo rex [[Suryavarmanus II]] templum suum appellaverit incertum est.<ref>"''Preah Pisnulok'' (''Vara Vishnuloka'' in Sanskrit)": sic en:wiki, sed sine fonte.</ref>

 

==Origo==

Rex [[Jayavarmanus I]], qui [[saeculum 9|saeculo nono]] ineunte [[libertas|libertatem]] regni [[Cambosia|Cambosiensis]] vindicavit [[religio]]nemque Hinduicam observavit, [[caput (urbs)|caput]] huius regni ad [[Hariharalaya]]m constituit, cuius ruinae neque ab oppido [[Roluos]] neque a [[lacus|lacu]] [[Tonle Sap]] longe distant. Ibi successores [[templum montanum]] aedificare curaverunt. Id templum, hodie nomine [[Bakong]] cognitum, anno [[881]] a rege [[Indravarmanus I|Indravarmano I]] sacratum est. Successione inter filios disputata, victor nomine [[Yasovarmanus I|Yasovarmanus]] a praedecessoribus et a veteri regni capite se avertens, novam metropolim condidit, nomine [[Yasodharapura]], occidenti versus. Ibi reges Cambodienses palatia et templa necnon lacus facticios sibi construxerunt.

 

[[Fasciculus:Angkor Wat 002.jpg|thumb|Semita lata, pluteis serpentinis protecta, qua intra murum exteriorem ad tribunum regalem et inde ad medium templum tenditur.]]

Ita medio [[saeculum 11|saeculo undecimo]] rex [[Udayadityavarmanus II]], qui in serie principum post Jayavarmanum I locum quattuordecimum tenuit, templum regium (nomine hodierno [[Baphuon]]) construi intra metropolim iussit, suburbio proprio circumiacente, deo [[Sivus|Sivo]] sacratum. Post eum [[Suryavarmanus II]], qui in eadem serie locum undevicensimum tenuit annoque [[1113]] ad regnum accedit, templum et ille aedificari iussit, suburbio circumiacente, ad imperium suum repraesentandum et ad monumentum perenne sibi praeparandum, sed extra metropolim Yasodharapura positum et deo [[Visnus|Visnu]] sacratum. Quod templum, nobis nomine Angkor Wat cognitum, anno [[1150]] (quo anno rex mortem obiit) iam fere confectum est.

 

[[Fasciculus:Libraryangkorwat.JPG|thumb|"Bibliotheca" borealis intra murum interiorem porticús quadrangularis primi.]]

[[Fasciculus:Awatoceanofmilk01.JPG|thumb|left|[[Oceanus lactis]] iussu [[Visnus|Viṣṇús]] a deis (dextra parte) et daemonibus (sinistra parte) coagulatus (e [[carmen|carmine]] [[mythologia|mythologico]] ''[[Bhagavatapuranum|Bhagavatapurāṇo]]'') inter protypos porticús primi pictus.]]

Iam videntur columnae porticús quadrangularis primi et longissimi, velut muri interioris, quo suggestus primus templi retinetur; iam videtur quincunx turrium qui medio templo surgunt. Inde peregrinator cogitur "ad gregem mirabilem quinque cupolarum pergere, caeli sociarum, nubibus sororum, itaque an in mundo realitatis habitet an in somnio quodam phantastico determinare."<ref>Helen Churchill Candee, ''Angkor the Magnificent'' (Novi Eboraci: Stokes, 1924), p. 68.</ref><ref group="t">''to get to the wondrous group of the five domes, companions of the sky, sisters of the clouds, and determine whether or not one lives in a world of reality or in a fantastic dream.''</ref> Sed cui medium templum attingere velit per semitam 150 metris longam et 9 metris latam progredi oportet, pluteis forma serpentina ambobus lateribus protectam, et per tribunum cruciformem regalem adscendere.

 

 

[[Fasciculus:Four carvings-Angkor Wat.jpg|thumb|left|[[Apsara]]e sive nymphae, oceano coagulato creatae, inter protypos porticús secundi pictae.]]

[[Fasciculus:Angkor Wat Central Pano.jpg|thumb|Turris montanus altissimus parsque suggestús tertii]]

Post annos trecentos peregrinator [[Portugallia|Portugallensis]], videlicet [[Antonius da Magdalena]], urbem Yasodharapuram petivit et templum Angkor Wat. Descriptionem ab illo facta, a verbis legati Zhou Da-guan haud dissimilem, rerum gestarum scriptor [[Iacobus do Couto]] in opere suo ''[[Décadas da Ásia]]'' refert: "Ab illa urbe [[leuca]] dimidia distans stat templum nomine Angar, cuius aedificatio tam mirabilis est ut impossibile sit stylo describere, praesertim quia tale aedificium nullibi orbis terrarum reperitur. Turres et ornamenta habet et tantas urbanitates quantas ingenium humanum concipere possit ... A fossa aquaria circumdatur, uno tantum ponte transita, et a duobus tigribus lapideis [re vera leonibus] protecta ita magnis et horribilibus ut terrorem visitatoribus inferent."<ref>[[Iacobus do Couto]], ''[[Décadas da Ásia]]''; Higham (2001) {{Google Books|AKzqy2_RSq4C|pp. 1-2}}</ref><ref group="t">''Antonio da Magdalena, who was in this city, said that ... half a league from this city is a temple named Angar. It is of such extraordinary construction that it is not possible to describe it with a pen, particularly since it is like no other building in the world. It has towers and ornament and all the refinements which the human genius can conceive of ... The temple is surrounded by a moat, and access is by a single bridge, protected by two stone tigers so grand and fearsome as to strike terror into the visitor.''</ref>

 

[[Fasciculus:Japan angkor.JPG|thumb|upright=1.5|Forma templi Angkor Wat sicut a peregrinatore [[Iaponia|Iaponico]] [[Shimano Kenryo]] anno circiter [[1635]] descripta est.]]

[[Fasciculus:Commission at Angkor Wat.jpg|thumb|[[Commissio Explorationis Mekong|Commissi Francici]] qui [[Yasodharapura|Angkor]] flumenque [[Mekong]] anno [[1866]] exploraverunt. Post imaginem photographicam ab [[Aemilius Gsell|Aemilio Gsell]] factam depinguntur [[Franciscus Garnier]], [[Ludovicus Delaporte]], [[Eugenius Joubert]], [[Clovis Thorel]], [[Ludovicus de Carné]] et ad dextram partem [[Ernestus Doudart de Lagrée]] dux commissorum.]]

[[Fasciculus:Angkor1866.jpg|thumb|Porta qua murus Angkor Wat penetratur, turribus tribus nondum ruinosis, ab [[Aemilius Gsell|Aemilio Gsell]] (commisso [[Commissio Explorationis Mekong|Explorationis Mekong]]) anno 1866 lucis ope picta.]]

{{1000 paginae}}

 

[[Categoria:Induismus]]

[[Categoria:Monumenta]]

[[Categoria:Templa]]

[[Categoria:Yasodharapura]]

 

{{Link FA|en}}