Quantum redactiones paginae "Lucius Cornelius Sulla" differant

{{vicificanda}}

'''Lucius Cornelius Sulla''' (natus [[138 a.C.n.|138]]–[[134 a.C.n.]]; mortuus [[78 a.C.n.]]), e [[Gens Cornelia|gente Cornelia]] ortus, fuit [[dictatura|dictator]] [[Respublica Romana|Reipublicae Romanae]]. Cognomine {{Polytonic|᾿Επαφρόδιτος}} "'''Epaphroditus'''" in [[Graecia]] usus est; [[Roma]]e anno [[81 a.C.n.]], triumpho nuper acto, cognomen "'''Felix'''" reclamavit.

 

Sulla, patricio genere natus, [[Bellum Iugurthinum|Bello Iugurthino]] quaestor [[Marius|Marii]] fuit. Vitam antea ludo, vino, libidineque inquinatam duxerat; quapropter Marius moleste tulit quod, sibi gravissimum bellum gerenti, tam delicatus quaestor sorte obtigisset eiusdem, tamen, postquam in [[Africa]]m venit, virtus enituit. [[Bellum Cimbricum|Bello Cimbrico]] legatus consulis bonam operam navavit. Consul ipse deinde factus, pulso in exsilium Mario, adversus Mithridatem profectus est; ac primum illius regis praefectos duobus proeliis profligavit; dein transgressus in [[Asia]]m, Mithridatem ipsum fudit, et oppressisset, nisi adversus Marium festinans, qualemcumque pacem maluisset componere. [[Mithidates|Mithridatem]] tamen pecunia multavit; [[Asia]] aliisque provinciis quas occupaverat decedere coegit, eumque paternis finibus contentum esse iussit.

 

 

Sulla deinde in villam profectus, rusticari et venando vitam ducere coepit. Ibi morbe pediculari correptus anno [[78 a.C.n.]] interiit, vir ingentis animi, cupidus voluptatum, sed gloriae cupidior; [[Litterae Graecae|litteris Graecis]] atque [[Litterae Latinae|Latinis]] eruditus, et virorum litteratorum adeo amans, ut sedulitatem etiam mali cuiusdam poetae aliquo praemio dignam duxerit: nam cum ille epigramma ipsi obtulisset, iussit Sulla praemium ei statim dari, ea tamen lege ne quid postea scriberet. Ante victoriam laudandus, in eis vero quae secuta sunt nunquam satis vituperandus: urbem enim et [[Italia]]m civium sanguine inundavit. Non solum in vivos saeviit, sed ne mortuis quidem pepercit; nam Marii, cuius, etsi postea inimicus, aliquando tamen quaestor fuerat, erutos cineres in flumen proiecit. Qua crudelitate rerum praeclare gestarum gloriam corrupit.

 

== Vide etiam ==

* [[Ludi Victoriae Sullanae]]

 

* [http://janusquirinus.org/essays/Apollo/Background/MS1.html Marius et Sulla] {{Ling|Anglice}}

* [http://bowks.net/wiki/la/lucius_cornelius_sulla_felix.png Imago Sullae]

 

== Bibliographia ==