Quantum redactiones paginae "Eurydice" differant

== Mythologia Graeca ==

Nomen ''Eurydices'' divinum redolet, nam 'late iudicantem' significat, quod deae inferorum aptum esse videtur. Itaque vix multum abest, quin epitheton [[Persephone]]s habeatur. Ac tamen haec opinio neque litteris nec monumentis comprobari potest, nec nomen Eurydices apud antiquissimis scriptoribus Graecis invenitur. De Orphei autem descensu ad inferos notitia apud scriptores antiquos erat, sed, quo consilio hoc iter fecerit, parum liquet.

* [[Isocrates]] Orpheum ex inferis mortuos reducere dicit.<ref>Isocrates, ''Busiris'' 11.8.</ref>

* Ex [[Plato]]ne cognovimus Orpheum ad inferos descendisse mulierem reducturum, sed nomen non comperimus.<ref>Pl. ''[[Convivium (Plato)|Symposium]]'' 179d {{polytonic|᾿Ορφέα δὲ τὸν Οἰάγρου ἀτελῆ ἀπέπεμψαν ἐξ ῞Αιδου, φάσμα δείξαντες τῆς γυναικὸς ἐφ᾿ ἣν ἧκεν, αὐτὴν δὲ οὐ δόντες}} ('Orpheum Oeagri filium infectis rebus ex inferis remiserunt, postquam simulacrum mulieris cuius causa venerat monstraverunt ipsamque non dederunt').</ref>