Quantum redactiones paginae "Spectator (theatrum)" differant

'''Spectator'''<ref>[[Titus Maccius Plautus|Plaut.]] ''[[Amphitruo (Plautus)|Am.]]'' 66 & 998; ''[[Cistellaria (Plautus)|Cist.]]'' 677 & 783; [[Marcus Tullius Cicero|Cic.]] ''[[De haruspicum responsis|Har. resp.]]'' 22.</ref> est qui [[Opus artis|opera artis]] spectat, sive qui [[Theatrum|theatro]], [[Pantomimus|pantomimo]], spectaculis aliisve ludis adest neque ipse [[Actio (drama)|actionibus]] interest. In theatro quidem et aliis artibus actoriis vel "performativis" etiam spectator actionibus vel [[perfunctio]]nibus interesse potest. Interdum quidem pro ''spectatore'' praestat aliis locutionibus uti: '''audiens''' sive '''auditor''' est qui concentui musico acroasive academicae adest; '''lector''' est qui [[Litterae|litteris]] oblectatur. Saepe opus est nomine collectivo, quod spectatorum circulum sive frequentiam significet. '''Consessus'''<ref>Cic. ''[[Cato maior de senectute|Sen.]]'' 18.64: ''[[Epistulae ad Atticum|Att.]]'' 1.16.3; ''[[Pro Sestio|Sest.]]'' 50.106.</ref> spectantium audientiumve multitudinem significat; item '''auditorium''',<ref>[[Gaius Plinius Caecilius Secundus|Plin.]] ''[[Epistulae (Plinius)|Ep.]] 4.7.</ref> quod etiam audientium locum significat. Cum de spectatoribus generatim agitur, '''multitudo'''<ref>Cic. ''[[De oratore|De or.]]'': ''Habet enim multitudo vim quandam talem, ut, quem ad modum tibicen sine tibiis canere, sic orator sine multitudine audiente eloquens esse non possit''.</ref> sive '''populus''' rem expedient.