Quantum redactiones paginae "Nezahualcoyotl" differant
Content deleted Content added
No edit summary |
mNo edit summary |
||
Linea 1:
{{Pagina non annexa}}
[[Fasciculus:Nezahualcoyotl_Rey_Poeta.gif|thumb|
'''Nezahualcoyotl''' anno 1402 p. Ch. n. gente Chicimeca, patre Ixtixochitle matre Matlacihuatle natus, vita vero functus anno 1472 p. Ch. n, fuit rex Texcoci, oppidi Mexicani quod apud Mexicopolin situm est. Praeter eius civilem prudentiam, quae summa fuisse dicitur, carmina, quae lingua Mexicana panxit, eximia laude celebrantur.
Linea 8:
Postea quam pater eum Texcocano sceptro auxit, Netzahualcoyotl pulsus est de regno a Tezozomoco, Atzcapotzalci rege, qui suam potestatem amplificandi causa Texcocum capere studebat. Quibus rebus factis, patre mortuo, Netzahualcoyotl fugae sese dedit, oppida plurima visurus, ex quibus cum disciplinam militarem et artem civilem, tum aliarum gentium auxilium ad Texcoci gubernaculum, quod hereditarium habebat, vindicandum sibi compararet.
Foedere cum Aztecis et Tlacopanensibus instituto, bellum gessit in Tezozomocum, ex quo victor discessit et imperio denuo potitus est.
Carmina, quae conscripsit, inter praeclara linguae Mexicanae monumenta habentur. In iis carminibus praecipue de cultu deo tribuendo (erat enim ei persuasum unum deum exstare), de hominis origine et fato, de brevitate vitae, de amicitia et de philosophia egit. Litteras autem cum aliis artibus coniungendas censebat, quamobrem aliquot scholas in quibus iuvenes ad astronomiam, artem medicam, historiam et artem pingendi informarentur curavit condendas. Quibus rebus praeclaram regentis speciem exhibuit, et multos in admirationem sui facile traxit.
| |||