Quantum redactiones paginae "Aureus" differant

Ante [[Gaius Iulius Caesar|Caesarem]] [[Dictator|dictatorem]] aurum Romae vulgo et in magno numero signatum non est. Nihilominus iam in discrimine belli adversus [[Hannibal|Hannibalem]] circa [[217 a.C.n.]] Romani nonnullos nummos aureos primum percusserunt pondo sex scrupulorum (id est didrachmi), quorum notae fuerunt caput geminum dei [[Ianus|Iani]] ex una parte, scaena sacramenti ex altera : qui nummi pauci fuerunt et hodie rarissimi inveniuntur. Paucos post annos tempore denarii creati (212/210 a.C.n.) per breve tempus iterum tres species aurei cusi sunt : alius unum scripulum pendebat, alius duo, ultimus tria : viginti, quadraginta et sexaginta [[As|asses]] sexantarios valebant. Notae fuerunt caput [[Mars|Martis]] ex una parte, [[Aquila|aquila]] in [[Fulmen|fulmine]] ex altera.