'''Fulgur''' (-ris, n) et fulmen, ictus caelestis iaculi, a feriendo dicti; fulgere enim ferire est atque percutere. Fulmen autem conlisa [[nubis|nubila]] faciunt. Nam omnium rerum conlisio [[ignis|ignem]] creat, ut in [[lapis|lapidibus]] cernimus, vel attritu rotarum, vel in [[silva|silvis]] [[arbor]]um: simili modo in nubibus ignis, unde et prius nubila sunt, deinde ignes. [[Ventus|Vento]] autem et igni fulmina in [[nubes|nubibus]] fieri et inpulsu ventorum emitti. Ideo autem fulminis ignem vim habere maiorem ad penetrandum, quia subtilioribus elementis factus est quam noster, id est qui nobis in usu est. Tria sunt autem eius nomina, fulgus, fulgor et fulmen: fulgus, quia tangit; fulgor, quia incendit et urit; fulmen, quia findit; ideo et cum ternis radiis finguntur.
Longe primum fulgor videtur et postea [[tonitrus]] auditur, quia [[velocitas]] [[lux|lucis]] maior est quam [[sonus|soni]].
