Quantum redactiones paginae "Venantius Fortunatus" differant

Eo puerulo princeps Orientis [[Iustinianus I|Justinianus]] longum et acerbum bellum in [[Italia]] suscepit ut eam ab [[Ostrogothi|Ostrogothis]] recuperaret. Si autem non liquet utrum primam ætatem in natali vico egerit an cum parentibus propter belli pericula [[Aquileia]]m urbem, de cujus [[episcopus|episcopo]] Paulo in carminibus suis amicissime loquitur, abierit habitatum, tamen constat eum adulescentem [[Ravenna|Ravennæ]], tum [[Italia|Italiæ]] capitis, aliquamdiu constitisse ut litteris non tantum Latinis, sed etiam aliqua ex parte Græcis studeret, nec minus christianorum poetarum libris quam præclarissimorum paganorum. Annos autem ad triginta natus oculorum inflammatione affectus preces sancto Martino adhibuit brevique sanatus est, ita ut ad Turones, quorum [[episcopus]] Martinus fuerat, sancti colendi causa peregrinari constituerit. Nec tamen recta via Cæsarodunum Turonum properavit, sed iter per [[Germania]]m et [[Gallia]]m aquiloniam flexit, ut vere anni 567 Divodurum, quod erat caput cum Gallicæ Mediomatricorum civitatis tum etiam Francici Austrasiæ regni, advenerit. Cujus circuitus etsi causam affert quod alia quoque sacraria visere volebat, tamen suspicio esse potest eum eo consilio ad Austrasiæ regem adiisse ut regius poeta conduceretur.