Quantum redactiones paginae "Murus Berolinensis" differant

Post [[Bellum Orbis Terrarum II|bellum alterum per totum orbem terrarum gestum]] urbs [[Berolinum]] sub dicione victorum Americanorum, Britannorum, Gallorum, Russorum erat. Bello autem [[Bellum Frigidum|frigido]] quod dicitur cum victores inter se abalienati urbem in duas partes divisissent, pars urbis a Russis occupata caput [[Res publica Democratica Germanica|rei publicae democraticae Germanicae]] (vel RPDG) appellatae facta est. Cuius magistratus, quippe qui cum [[Partes socialisticae unitae Germanicae (SED)|partibus communisticis]] facerent, populo neque dicendi neque mercaturae libertatem concesserunt. Quamobrem civium RPDG ingens multitudo per Berolini partes liberas aufugerunt. Hac tot hominum migratione commotus aetate anni [[1961]] [[GualterusGualterius Ulbricht]] princeps RPDG consilium cepit, ut fines illius rei publicae a ceteris Germaniae partibus intercluderentur.