Quantum redactiones paginae "Edgarus Howard Sturtevant" differant
Content deleted Content added
No edit summary |
No edit summary |
||
Linea 4:
Edgarus Howard Sturtevant [[Jacksonville]] in urbe [[Illinoesia|Illinoiensi]] die [[7 Martii]] [[1875]] natus est primigenitus Alfredi Henrici Sturtevant et Harriet Evelyn Morse. Iulianus M. Sturtevant, avus Edgari, speciminibus [[Yale Divinity School|Scholae Divinitatis]] [[Universitas Yalensis|Yalensis]] absolutis Jacksonville reversus [[Collegium Illinoiense]] condiderat eidemque postea praesedit. Pater Edgari paulisper [[mathematica]]m in Illinoiensi Collegio docuerat, sed brevi rem rusticam exercere coepit. Etiam Edgarum puerum operis praedii adesse oportebat, sed vaccis operam dans [[Lingua Sanscrita|Sanscritae linguae]] paradigmata repetere solebat ad numerum mulgendi. Sunt qui Edgarum dicant non patris sed avi indole praeditum fuisse.<ref>Hahn (1952: 418).</ref>
Finitis praeparatoriae scholae studiis Edgarus anno 1893 in tabulas Collegii Illinoiensis nomen suum rettulit, sed duobus annis post cum Haroldo W. Johnston, praeceptore linguae Latinae, ad [[Univarsitas Indianensis|Universitatem Indianensem]] migravit, ubi lingua Latina docenda pecuniam studiis comparavit. In [[Artium baccalaureus|artium baccalaurei]] examine adprobatus est anno 1898. Deinde Sturtevant, cum pensionem studiorum complementariorum causa tributam adeptus esset, studia iniit apud [[Universitas Chicagiensis|Universitatem Chicagiensem]], ut [[Carolus Darling Buck|Carolo Darling Buck]] moderatore in [[linguistica]] doctoris gradu potiretur. Doctoratus est anno 1901 dissertatione academica, qua de vocalium contractionibus disputavit.<ref>Sturtevant (1902).</ref> His temporibus Edgarus in familiaritatem venit cum Bessie Fitch Skinner, quam anno 1903 uxorem duxit. Post disputationem Sturtevant variis temporariis muneribus academicis functus anno 1907 demum in numerum [[Philologia classica|philologorum classicorum]] [[Universitas Columbiae|Universitatis Columbiae]] adscriptus est. Itaque Sturtevant domo in [[Nova Caesarea|Nova Caesarea]] parata cotidie ab [[Edgewater (Nova Caesarea)|Edgewater]] ad Columbiam et retrorsum nave traiectoria commeavit. Anno 1913 "assistant professor" creatus est. Annis illis prosperrimis — quibus familia tribus liberis aucta est — [[etymologia]]e Latinae nec non [[morphologia]]e [[Lingua Graeca antiqua|Graecae]] operam dedit. Deinde in adversas res incidit. Temporibus enim incertis [[Bellum Orbis Terrarum Primum|primum orbis terrarum bellum]] consecutis [[Fiduciarius|fiduciariis]] universitatis placuit anno 1920, ut id aboleretur docendi munus quo Sturtevant fungebatur. Nulla interposita mora Sturtevant factus est officialis [[argentaria]]e, quod officium ei minime displicuisse videtur — immo, posthac eius semper intererat [[Sors pecuniaria|sortes pecuniarias]] in [[bursa]] emere et vendere, et quidem non sine proventu.<ref>Hahn (1952: 420).</ref>
Anno 1923 Sturtevant ad [[Universitas Yalensis|Yalensem universitatem]] invitatus est, ut Graecae et Latinae linguis docendis adsisteret. Quattuor annis post (id est, anno 1927) ordinarius linguisticae professor nominatus est. Eisdem fere temporibus etiam alii linguistae inlustres in universitatem Yalensem conscripti sunt -- [[Franklin Edgerton]] (1926), [[Eduardus Prokosch]] (1929), [[Eduardus Sapir]] (1931) -- quorum communi voluntate operaque natum est Departimentum linguisticum, cui Sturtevant primus praefectus est. Anno 1934 Sturtevant, qui ipse linguae Hetthaeae inde ab annis 1920 studuit, [[Albrecht Goetze|Albrechtum Goetze]], orientalistam Hetthaeae peritum, ut a [[Germania Nazistica|Germania nazistica]] discederet, invitavit.
== Notae ==
Line 25 ⟶ 28:
[[Categoria:Nati 1875]]
[[Categoria:Mortui 1952]]
[[Categoria:Linguistae]]
[[Categoria:Philologi]]
[[en:Edgar H. Sturtevant]]
| |||