|
'''Cena Cleopatrae Ptolemaeoque a Caesare oblata''' [[Alexandria]]e anno [[48 a.C.n.]] a [[Lucanus|Lucano]] [[Plutarchus|Plutarcho]]que narratur; rerum gestarum scriptores omnino tacent. An haec cena re vera accidit non satis constat.
[[Cleopatra VII|Cleopatra]] nuper, in tapete involuta, ad [[Gaius Iulius Caesar|Caesarem]] pervenerat, qui adamatus eammeam fratremque [[Ptolemaeus XIII|Ptolemaeum]] conciliandos statuit. Cenam [[Plutarchus]] ita breviter refert, caedem [[Pothinus|Pothini]] ministri [[Aegyptus|Aegyptii]] in ipsam cenam inserens: "{{Polytonic|ἔπειτα δ´ ἐπὶ ταῖς διαλλαγαῖς ἑστιωμένων ἁπάντων, οἰκέτης Καίσαρος κουρεύς, διὰ δειλίαν ᾗ πάντας ἀνθρώπους ὑπερέβαλεν οὐδὲν ἐῶν ἀνεξέταστον, ἀλλ´ ὠτακουστῶν καὶ πολυπραγμονῶν, συνῆκεν ἐπιβουλὴν Καίσαρι πραττομένην ὑπ´ Ἀχιλλᾶ τοῦ στρατηγοῦ καὶ Ποθεινοῦ τοῦ εὐνούχου. φωράσας δ´ ὁ Καῖσαρ, φρουρὰν μὲν περιέστησε τῷ ἀνδρῶνι, τὸν δὲ Ποθεινὸν ἀνεῖλεν}}". Lucanus longius narrat: "Excepere epulae tantarum gaudia rerum, Explicuitque suos magno Cleopatra tumultu Nondum translatos Romana in saecula luxus ..." Mox [[Triclinium Cleopatrae|triclinium Cleopatrae]] describit, mox reginam:
:Discubuere illic reges maiorque potestas<br />
:Caesar; et inmodice formam fucata nocentem,<br />
:quod [[Nilus|Nilotis]] acus conpressum pectine [[sericum|Serum]]<br />
:soluit et extenso laxavit stamina velo ...
Mox ministros servosque:
:Tum famulae numerus turbae populusque minister.<br />
:Discolor hos sanguis, alios distinxerat aetas;<br />
:haec Libycos, pars tam flauos gerit altera crines<br />
:ut nullis Caesar Rheni se dicat in arvis<br />
:tam rutilas vidisse comas; pars sanguinis usti<br />
:torta caput refugosque gerens a fronte capillos;<br />
:nec non infelix ferro mollita iuventus<br />
:atque exsecta virum: stat contra fortior aetas<br />
:vix ulla fuscante tamen lanugine malas.
Inde ad cenam ipsam pergitur:
:Infudere epulas auro, quod terra, quod aër,<br />
| 