Quantum redactiones paginae "Obolus" differant

Iam ante annum 460 a.C.n. formale oboli pretium in titulis ad sacra Eleusina pertinentibus legitur.<ref>[[Inscriptiones Graecae|IG]] 1² 6,88; 95; 96, 97; [3.3].</ref> In ''[[Ecclesiazusae|Ecclesiazusis]]'' [[Aristophanes|Aristophaneis]] ([[390 a.C.n.]]) chorus mulierum dicit conventicio ab uno obolo ad tres obolos aestimato numerum civium Atheniensium in ecclesiam convenientium valde auctum esse.<ref>Ar. ''Eccl.'' 300-302.).</ref> Secundum scriptores antiquos obolus argenteus in os defuncti inserebatur, ut vectura Charoni portitori Stygis hoc modo soluta anima mortui ad domum [[Pluto (deus)|Plutoniam]] transportaretur. Huius usus mentio primum ab Aristophane facta est.<ref>Ar. ''[[Ranae (Aristophanes)|Ran.]]'' 140-141.</ref> Inventa archaeologorum nostrae aetatis, etiamsi usum obolorum in ritibus funebribus confirmant, imaginem rerum conditionis mutabiliorem nobis reddere videntur: interdum nullus nummus, interdum plures nummi cum defunctis sepulti sunt.<ref>Stevens (1991).</ref>