Quantum redactiones paginae "Troades (Seneca)" differant

Scaena partem campi inter mare et urbem [[Troia|Troiam]] sitam praebet, ubi milites Graeci et captivi Troiani profectionem classis et reditum exspectant. Troades de fato suo queruntur, [[Hecuba]] et choro velut amoebaeis cantibus sibi invicem respondentibus. Tum Talthybius praeco refert umbram [[Achilles|Achillis]] ex [[Infernus|Inferis]] emissam Graecis apparuisse ac praedam sibi debitam postulavisse, Polyxenam ultimam filiam [[Hecuba|Hecubae]], quae in tumulo suo ut victima mactaretur. Sequitur altercatio inter Pyrrhum, filium Achillis, qui desideriis patris mortui satisfieri vult et [[Agamemnon|Agamemnonem]] regem reluctantem atque hoc sacrificium barbarum existimantem. At [[Calchas]] vates litem decidit dum adfirmat ventos secundos classi deos non daturos nisi [[Polyxena]] immolata et [[Astyanax|Astyanacte]] parrvo filio [[Andromache|Andromachae]] necato. Tum chorus Troadum canticum exorditur adfirmans nihil post mortem iam esse et animam simul cum corpore perire : ita requiem tandem miseriis datum iri ! Andromache autem [[Hector|Hectoris]] umbra in somnio monita parvum filium in tumulum mariti sui occultavit. Mox [[Ulixes]] [[Astyanax|Astyanactem]] quaerit et matrem inexorabilis percontatur. Intelligit ex signis pavoris eam mortem eius mentiri. Minatur sese tumulum Hectoris solo aequaturum. Tum misera mater, ne simul et natus opprimeretur et tumulus mariti destrueretur, omnia confitetur et filium tradit. Frustra flebiliter precatur ut aetati eiustenerae parceretur.