Quantum redactiones paginae "Constantius Gallus" differant

Anno [[350]] [[Magnentius]] usurpator in occidente Imperii Constantem imperatorem pepulerat et necaverat. Constantius II, qui bellum contra eum paravit, Gallum die [[15 Martii]] [[351]] [[Sirmium|Sirmii]] Caesarem fecit, ut orientem partem contra [[Persae|Persas]] defenderet. Praeterea [[Constantina (imperatrix)|Constantinam]] sororem suam ei uxorem dedit. Gallus [[Antiochia]]e mansit, cum Constantius in bellum civile profectus est et Magnentium anno [[353]] vicit et necavit. Gallus autem et uxor sua, qui imperiis magistratus Constantii non oboedirent et ut imperator atque imperatrix se gererent<ref>[[Ammianus Marcellinus]], Res Gestae XIV 1</ref>, praetextu ad Constantium vocati sunt. In fine anni 354 Gallus iussu Constantii supplicio affectus est<ref>Ammianus Marcellinus, op.cit. XIV 11</ref>.