'''''Hedera helix''''' ([[binomen]] a [[Carolus Linnaeus|Linnaeo]] e nominibus antiquis '''Hedera''' et '''{{Polytonic|ἕλιξ}}''' constitutum) est species typica[[generitypus|typus]] generis [[Hedera]]e. Haec planta quae humi serpit arboresque scandit, foliis saepius viridibus, interdum russis, bacis purpureis vel atris, naturá in maxima parte [[Europa]]e necnon [[Turcia]] boreali crescit. Bacae hominibus venenosae sunt, avibus autem quibusdam deliciosae. Insecta varia sub foliis et inter ramos latent. Arte horticultorum Europaeanorum hedera favetur ut muris et moeniis integumento perpetue virenti celaret, sed ab arboribus curiose removetur; alibi autem ubi hedera recentius introducta est, et praecipue in [[Australia]], [[Nova Zelandia]] et [[CFA]], recognoscitur molestam esse et in nonnullis provinciis interdictam. Hedera apud Graecos Romanosque [[Bacchus|Baccho]] sacra habita est; in conviviis cenatores coronas hedera plectas gerebant.
