Quantum redactiones paginae "Zingari" differant

Licet initio sint curiositate accepti et anno [[1417]] a [[Sigismundus Luxemburgicus|Sigismundo]] [[Sacrum Romanum Imperium|Sacri Romani Imperii]] imperatore protecti,<ref>Donald Kenrick, "Historical Dictionary of the Gypsies (Romanies)," Second Edition, Scarecrow Press, 2007.</ref> mox tamen vitam infestam habebant:

*Zingari in [[Valachia]] [[Moldavia]]que in servitutem redacti sunt, qua demum anno [[1856]] liberati sunt.<ref>Hancock, Ian, 2001, Ame sam e rromane džene (We are the Romani People), Novi Eboraci: The Open Society Institute, p. 25</ref>

*Pluries pluribus Europae locis trucidati, liberis privati, ad laborandum coacti sunt. Inter alia anno [[1510]] in [[Helvetia]] quoslibet Zingaros inventos suspendendos esse iussum est. Item in [[Anglia]] (1554) et in [[Dania]] (1589). [[Portugallia]] anno [[1538]] eos in colonias deportari coepit.<ref>Ibidem</ref> In [[Francia]] capitibus rasis stigmate deformati sunt. In [[Moravia]] [[Bohemia]]que feminis, quo denotarentur, aures amputatae sunt. Ideo multi Zingari in regiones [[Polonia]]e [[Russia]]eque profecti sunt, quod ibi melius tractabantur, dummodo vectigalia annalia penderent.<ref>[http://news.bbc.co.uk/2/hi/europe/8136812.stm Delia Radu, "On the road: Centuries of Roma history"], BBC World Service, die 8 Iulii 2009</ref>

*Fortuna eorum etiam in deterius mutata est, quod, qui ipsi profugae e regione Balcanica in Europam mediam venerant, ob speciei novitatem [[Turci]] vel Turcorum socii habebantur ([[Dieta Imperii Germanici|Dietae]] annorum [[1496]]-[[1498]] [[Landavia]]e et [[Friburgum Brisgoviae|Friburgi Brisgoviae]] actae eos emissarios Turcicos esse declaraverunt). Annis labentibus aliae criminationes additae sunt.