Natus est ut videtur in vallivalle Intelvia, in extrema regione septentrionali Italiae. De vita paulum scimus; fuisse videtur in Francogallia, quia exempla artis francogallicae evidenter in operibus suis secutus est. Praesertim operam dedit [[Parma]]e in Baptisterio et in ecclesia cathedrali; adde quod et in cathedrali Fidentiae (haud longe a Parma) usus operandi eius agnoscitur. Nomen eius (quod [[Medium Aevum|Medio Aevo]] perrarum est) cum anno 1178 habemus in tabula Depositionis [[Iesus|Iesu Christi]] a cruce quae in cathedrali Parmae servatur: "Anno milleno centeno septuageno octavo sculptor pa(travit?) mense secundo" (i.e. mense Aprili, quia Parmae saeculo duodecimo prima anni dies fuit dies Annunciationis 25.3) - "Antelami dicuts sculptor fuit hic Benedictus".
