'''Plusvalor''', [[Germanice]] ''Mehrwert'', [[Anglice]] ''surplus value'', secundum [[Placita Marxiana|doctrinam Marxianam]] oritur ex differentia [[valor (oeconomia)|valoris]] qui constituitur quantitate [[labor]]is et valorem [[facultas laborandi|facultatis laborandi]] qui est minor illo. Valor facultatis laborandi [[operarius|operario]] restituitur forma [[salarium|salarii]] vel mercedis.
Quod [[Carolus Marx]] ita probare studet: [[Capitalista]] conducit [[operarius|operarios]] vel potius eorum laborandi facultatem eo fine, ut augeat suum [[capitale]], idque per productionem [[merx|mercium]]. Ex [[doctrina valoris|lege valoris]] emanat fons se ditandi. Nam ex una parte omnis [[valor commutativus]] mercium oritur ex labore operarii vel ex laboris temporis spatio ad earum fabricationem necessarium, ex altera parte hicoperarius pro [[salarium|salario]], quod est pretium mercis quae est operarii facultas laborandi, tantum aliquam partem fructus laboris sui accipit, cum capitalista reliquum quaestum ut plus-valorem sibi vindicet.
Multiplex habetur plus-valor. [[Plusvalor absolutus]] ex eo oritur exquod prolongationelabor temporisdiurnus laborandiproducatur. [[Plusvalor relativus]] oritur ex eo oritur, quod per varios progressus technicos, cooperationis et specificationis laboris, utilitas seu fertilitas seu [[productivitas laboris]] augetur. Quare merces et victualia minopretio constabunt, operarius minus tempus adhibebit restitutioni virium suarum et maius tempus pro lucro capitalistae augendo. Ex his sequitur exspoliatio operarii sub specie [[iustitia]]e secundum regulas iusti contractus circa salarium. Operarius, qui non possidet bona productiva, cogitur vendere suum laborem capitalistae, qui eo abutitur ad augendas divitias.
