Quantum redactiones paginae "Ptolemaeus VI (rex Aegypti)" differant

 

Post mortem patris [[Ptolemaeus V (rex Aegypti)|Ptolemaei V]] anno [[180 a.C.n.]] regnum adeptus est, sed propter aetatem puerilem mater eius [[Cleopatra I]] in nomine filii Aegyptum administravit. Cleopatra, soror [[Seleucus IV (rex Syriae)|Seleuci IV]], rex [[Syria]]e, apparatus belli contra fratrem statim finiri iussit. Sed post mortem Cleopatrae I novi procuratores consilia nova ceperunt: Lenaeus servus prior et Eulaeus. Hi bellum denuo contra Syriam parabant. Interim Lenaeo et Eulaeo suadentibus Ptolemaeus VI sororem suam [[Cleopatra II (regina Aegypti)|Cleopatram II]] anno [[175 a.C.n.]] in matrimonium duxit et reginam fecit. Ambo ut dei colebantur. [[Antiochus IV Epiphanes|Antiochus IV]], rex Syriae, nunc copias contra Aegyptos ad fines regni sui misit et anno [[173 a.C.n.]] auxilium Romanorum petebat, qui autem ipsi bellum contra [[Perses (rex Macedonum)|Persen]] parabant. Itaque anno [[171 a.C.n.]] bellum et inter Aegyptum et Syriam coepit. Lenaeus et Eulaeus procuratores anno [[170 a.C.n.]] fratrem minorem Ptolemaei VI, [[Ptolemaeus VIII (rex Aegypti)|Ptolemaeum VIII]], regem et consortem regni proclamaverunt, ut res Aegyptas confirmarent. Paulo post Ptolemaeum VI sui iuris esse dixerunt. Sed bellum exercitus Aegypti apud [[Pelusium]] victum contra Syriam perdidit. Procuratores idcirco dimissi sunt, Comanus et Cineas nunc res gerebant. Antiochus IV Aegyptum inferiorem occupavit et tandem foedus cum Ptolemaeo VI fecit. [[Alexandria|Alexandrini]] autem id foedus non probabant, Ptolemaeum VIII solum regem proclamaverunt. Antiochus IV nunc [[Alexandria]]m obsidebat, Ptolemaeus VIII Romanos auxilio petivit. A fluctibus [[Nilus|Nili]] coactus Antiochus IV se Pelusium recepit, Ptolemaei controversias finirent, rex Syriae denuo Aegyptum anno [[168 a.C.n.]] invasit, regnum Aegypti suscepit.

Sed Romani, postquam ipsi Macedones vicerunt, nunc legationem pacis causa Aegyptum miserunt: [[Gaius Popilius Laenas]], caput legationem apud Alexandriam Antiochum convenit et postulavit, ut rex Aegyptum relinqueret. Is tempus ad deliberationem petivit, sed Popilius circulum circum regem in harenam duxit dixitque, ut in eo circulo de ea re decerneret: Et Antiochus [[30 Iulii]] 168 Aegyptum nave relinquit! Reges Aegypti autem Romanis gratias egerunt.

Quattuor annos Ptolemaeus VI, Cleopatra II, Ptolemaeus VIII una regnaverunt, sed anno [[164 a.C.n.]] Ptolemaeus VIII fratrem et sororem deposuit, Ptolemaeus VI Romam fugit et auxilium senatus petivit, tum [[Cyprus|Cyprum]] iit. Alexandrini interim Ptolemaium VIII, qui ut tyrannum regnabat, fugaverant et anno [[163 a.C.n.]] Ptolemaeum VI Cleopatramque revocaverunt. Quamquam Ptolemaeus VIII tum rex [[Cyrenaica]]e factus est, hoc parvo regno non contentus erat: Romam iit, ut nunc ipse senatum advocaret, ut ei Cyprum daret. Patres autem ei non adfuerunt, quam eum "amicum et socium populi Romani" appellaverunt. Postquam sicarii Ptolemaeum VIII anno [[155 a.C.n.]] interficere conati sunt, hic etiam Romanos heredes sui regni fecit, si sine filiis moriturus esset.

 

== Fontes de regno Ptolemaei VI ==