Formula:PaginaMensis/Maii 2010

Gaius Iulius Caesar

De vita Caesarum est opus optime cognitum ex omnibus quae eruditus Romanus C. Suetonius Tranquillus conscripsit. Est ordo vitarum illorum duodecim virorum qui fuerunt principes imperii Romani (hodie communiter "imperatores" dicti, ex honore militari quem gerebant omnes) a Gaio Iulio Caesari, anno fere 100 a.C.n. nato, usque ad Domitianum, anno 96 necatum. Suetonius ab epistulis Latinis meruit principe Hadriano, sed ab hoc munere missus est anno 121 vel 122. Vitas Septicio Claro, patrono suo, qui eodem anno eiectus est a praefectura praetorii, dicavit....