Quantum redactiones paginae "Marcus Valerius Messalla Messallinus" differant

'''Marcus Valerius Messalla Messallinus''' (quando natus sit, nescimus; mortuus est post annum [[20]]) senator Romanus erat temporibus [[Octavianus Augustus|Augusti]] et [[Tiberius (imperator)|Tiberii]] imperatorum. Filius fuit [[Marcus Valerius Messalla Corvinus (consul 31 a.C.n.)|Marci Valerii Messalla Corvini]], consulis anni [[31 a.C.n.]]. Frater minor [[Marcus Aurelius Cotta Maximus Messallinus]] et filius [[Marcus Valerius Messalla Messallinus (consul 20)|Marcus Valerius Messalla Messallinus]] anno [[20]] consules ordinarii fuerunt. Messalinus [[Ludi Saeculares|Ludis Saecularibus]] anni [[17 a.C.n.]] intererat. Anno [[3 a.C.n.]] consul ordinarius factus postea legatus Augusti pro praetore [[Illyricum]] administravit et feliciter contra Pannonios certavit et idcirco ''ornamentis triumpalibus'' ornatus est. Cum Tiberius triumphum ageret, Messalinus etiam adfuit. Saepe ad senatum rettulit et in iudicio in [[Gnaeus Calpurnius Piso|Gnaeum Calpurnium Pisonem]] anno [[20]] dixit. Eo suadente ''senatus consultum de Cn. Pisone patre'' constitutum est. [[Ovidius Naso]] ad eum Tristia IV 4 et epistulas e Ponto I 7 et II 2 scripsit. Tacitus eum annalibus oratorem bonum et adulatorem vocavit<ref>Der Neue Pauly, Stuttgardiae 1999, T. 12/1, c. 1110</ref>.