Psalmus 70 (enumeratione Graeca psalmus 69 dictus) libri Psalmorum verbis "Deus, in adiutorium" incipit; etiam habet superscriptionem: "Magistro chori. David. Ad commemorandum" (sic in Nova Vulgata). In hoc psalmo psalmista Deum precatur ut ab hostibus liberatur[1] Totus psalmus fere idem est qui ultimi versûs psalmi 40 (39).

"Deus, in adiutorium meum intende" in libro horarum Les Grandes Heures du duc de Berry saeculi XIV

Ioannes Calvinus, theologiae Reformationis fautor, sic argumentum psalmi descripsit:

Quia Psalmus hic pars est dumtaxat quadragesimi, hoc forte sibi vult inscriptio Ad reminiscendum, quia David quinque istos versus aliunde sumptos in specialem aliquem usum accommodaverit.[2]

Verba psalmiRecensere

Haec sunt verba psalmi 70 (69) ex versione vulgata Clementina:

1 In finem. Psalmus David in rememorationem, quod salvum fecerit eum Dominus.
2 Deus, in adiutorium meum intende;
Domine, ad adiuvandum me festina.
3 Confundantur, et revereantur, qui quaerunt animam meam.
4 Avertantur retrorsum, et erubescant, qui volunt mihi mala;
avertantur statim erubescentes qui dicunt mihi: Euge, euge!
5 Exsultent et laetentur in te omnes qui quaerunt te;
et dicant semper: Magnificetur Dominus, qui diligunt salutare tuum.
6 Ego vero egenus et pauper sum;
Deus, adiuva me.
Adiutor meus et liberator meus es tu;
Domine, ne moreris.

NotaeRecensere

  1. "Prayer for Deliverance from Enemies", titulus in New Revised Standard Version apud BibleGateway.
  2. In librum Psalmorum, Iohannis Calvini commentarius (Oliva Roberti Stephani, 1557), argumentum Psalmi 70, p. 318.

Nexus externiRecensere

  Vicimedia Communia plura habent quae ad Psalmum 70 spectant.
Liber Psalmorum — תהילים
Psalmi Bibliorum Hebraicorum123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Apocrypha vel Deuterocanonica151152–155Psalmi Salomonis
VocabulaPsalteriumHallelAlleluiaPsalmi paenitentialesSelahCanticum ascensionum
Versiones in VicifonteTehilim (Hebraice)Septuaginta (Graece)Vulgata (Latine)