Petrus Iekimov
Petrus Ioachimi filius Iekimov (Russice Петр Екимович Екимов), circa annum 1736 natus et post annum 1795 mortuus, interpres fuit, qui primus[1] Homeri poemata Russice vertit.
Vita et opera recensere
Novogardiae in seminario orthodoxo et postea in Universitate Moscuensi educatus, Sacrosantae Synodi interpres factus est. Ioannes Šuvalov et Gregorius Potemkin patrones eius fuerunt; Iliadem ope eorum primum Russice oratione soluta vertit. Catharina II Voltario de hoc libro annis 1770 et 1777 scribebat et Hippolytus Bogdanovič anno 1776 in ephemeride Academiae Scientiarum magni aestimavit. Eodem modo et Odysseam vertit, sed sine nomine eius liber editus est et saepe versio Moysi Humilevskio false attribuebatur. Iliadem versibus vertere incipit, sed hoc opus perditum est.
Notae recensere
- ↑ Si versiones adhuc ineditas a Cyriaco Kondratovič factas omittamus.