Pasitigris[1] (Graece Πασίτιγρις, de Persico "Tigris minor"), vulgo Karun (Persice کارون), est flumen Iraniae maximum, 890 chm longitudinis. In Zagrio iugo oritur et antiquitus in sinum Persicum effundebatur, sed saeculo X canalis constructus est, qui Pasitigris aquas in Šaṭṭ al-ʿArab abducit; alveus vetus, nunc Bachmanshir nominatus, etiam nunc in sinum Persicum aquas fert. Vasetum et aliae urbes ad Pasitigrim stant; tres hydroelectrificinae Iranicae maximae cum receptaculis aquae ad Pasitigrim constructae sunt.
Phison fluvius Biblicus ut Pasitigris aevo Medio explicabatur.
.jpg)
