Parthamaspates
Parthamaspates est rex quem Traianus victor anno 116 Parthis dedit. Arsacidarum genere ortus, filius Osrois I habebatur qui in imperium Romanum ob seditiones intestinas olim fugerat. Non diu apud Parthos regnavit qui eum aspernabanturː postquam anno 117 Hadrianus exercitum Romanum e Mesopotamia reduxit, Parthamaspaten regem Osroenae fecit, parvi regni inter Parthos et Romanos ubi anno 123 adhuc regnabat.
In memoriam huius gloriosi facti senatus sestertium cudi iussit cum hac scaenaː imperator Romanus in aggere sedet et Parthamaspati infra stanti diadema imponit. Ad latus imperatoris in aggere stat praefectus praetorio. Ad sinistram figura Parthiam personificans et genu subnixa manus ad novum regem porrigit. Circum hic titulus legiturː REX PARTHIS DATVS[1].
Notae recensere
Fontes recensere
- Dio Cassius, Historia Romana 68.30.
- Historia Augusta, Vita Hadriani V.4. In manuscriptis nomen regis varie corruptum est. Nomen Latinum modernum e Dione Cassio sumptum est.
Plura legere si cupis recensere
- Iulianus Guey. Essai sur la guerre parthique de Trajan (114-117), 1937 Recensio critica
- F. A. Lepper, Trajan s Parthian war, Oxonii, 1948. (Oxford classical and philosophical monographs). Recensio critica