Mudhoney

Mudhoney (Latine: Mel Caenosum) est grex musicae rock Americanus, qui 1987 Seattli conditus est.

Grex Mudhoney, 2007

Socii

Gregis socii sunt:

• Marcus McLaughlin (vel potius Marcus Arm, sc. Marcus Bracchium; voces, cithara secunda, organum electricum)
• Stephanus Turner (cithara principalis)
• Matthaeus Lukin (cithara bassa, 1987–2001),
• Guido Maddison (cithara bassa, 2001–praesens)
• Daniel Peters (tympana)

Historia

Grex Mudhoney conditus est Vespere Omnium Sanctorum anno 1987. Est grex Grunge ab initio, et Marcus Arm - musicam suam describens - nomine Grunge primus usus esse dicitur. Quamquam Mudhoney diu ad magnam famam perventurus putabatur, alius grex Seattli, Nirvana, primo illustrissimus factus est. Viri illius Mudhoney autem se numquam famam maximam petivisse saepe contendebant.

Anno 2001 Matthaeus Lukin e grege exiit gaudio canendi perdito. Per spatium quoddam multi homines censuerunt illum Mudhoney non iam gregem mansurum esse. Tum Guido Maddison, qui erat amicus gregis iamque cecinerat cum Marco Arm in grege Bloodloss, in gregem intravit.

Mudhoney usque ad praesens discos edunt, sed viri gregis nihilominus officia quasi vulgaria faciunt, ut victus habeant.

Mense Maio 2008 novum discum edent.

Discographia

Annum	Titulus	Societas
1989	Mudhoney	Sub Pop
1990	Superfuzz Bigmuff	Sub Pop
1991	Every Good Boy Deserves Fudge	Sub Pop
1992	Piece of Cake	Reprise Records
1993	Five Dollar Bob's Mock Cooter Stew	Reprise Records
1995	My Brother the Cow	Reprise Records
1998	Tomorrow Hit Today	Reprise Records
2002	Since We've Become Translucent	Sub Pop
2006	Under a Billion Suns	Sub Pop
2007	Live Mud - Live in Mexico	Sub Pop
2008	The Lucky Ones	Sub Pop
2013	Vanishing Point	Sub Pop
2018	Digital Garbage	Sub Pop

Nexus externi

• Situs gregis (Anglice)