Michael Wellby
Michael Sinclair Wellby (1928-2012), e familia argentariorum ortus, Collegii Marlburiensis alumnus, annum duodevigesimum agens iuxta patrem sub porticu Halkin Arcade vici Knightsbridge Londiniensis ornamenta pretiosa venditare incepit. His annis res argenteas praecipue Germanicas, curiosissime factas sed a multis eo tempore spretas, pretiis minimis adquirebat. In taberna sua ad Grafton Street vici Mayfair posita, a mercatoribus Europaeis frequentata, ab annis 1960 negotiabat. Gemmata olim ab illo possessa apud Sotheby mense Decembri 2012 vendita sunt. Museum Ashmoleanum Oxoniense mense Ianuario 2013 ornamenta aurea et argentea ostentavit pulcherrima et divitissima e collectu Michaelis Wellby qui museum heredem collectú privato suo instituerat.
Bibliographia
recensere- "Sotheby's to offer the personal jewellery collection of renowned silver dealer Michael Wellby" in Artdaily.org (Dec. 2012) [fons biographiae nostrae]
- "Oxford's Ashmolean Museum receives Michael Wellby's incredible £10 million collection" in Culture24 (31 Ian. 2013)
- Maev Kennedy, "Ashmolean museum in Oxford bequeathed £10m hoard" in The Guardian (31 Ian. 2013)
Nexus externi
recensere- The Jewellery Collection of the Late Michael Wellby: An Eclectic Eye - Jewels Spanning Four Centuries[nexus deficit]" apud sothebys.com
De hac re nexus intervici usque adhuc absunt. Adde, si reppereris.