Linguae Caucasicae Septentrionales

Linguae Caucasicae Septentrionales, aliquando simpliciter Caucasicae appellatae, sunt binae familiae linguarum in usu in Caucaso, praecipue in regionibus septentrionalibus: familia Caucasica Boreoccidentalis, etiam Pontica, Abasgico–Adygeica, Circassica, vel Caucasica Occidentalis appellata; et familia Caucasica Boreorientalis, etiam Nakh–Daghestanica vel Caucasica Orientalis appellata. Nonnulli linguistae, insigniter Sergius Starostin et Sergius Nikolaev, putant hos greges ex lingua communi abhinc annorum fere quinque milia ortos esse. Hoc autem propositum haud facile aestimatur, et controversum manet. Sunt a triginta quattuor ad triginta octo linguae Caucasicae Septentrionales distinctae.

Regiones ubi incolae linguis Caucasicis Septentrionalibus utuntur in tabula geographica Caucasi depictae.

Nexus interni

• Lingua Albaniana Caucasica
• Linguae Caucasi
• Linguae Dené–Caucasicae
• Linguae Kartvelianae

Bibliographia

• Colarusso, John. 1988. The northwest Caucasian languages: a phonological survey. Novi Eboraci: Garland. ISBN 0824051807.
• Greppin, John A. C., ed. 1991. The Indigenous languages of the Caucasus. Delmar Novi Eboraci: Caravan Books. ISBN 0882060686 (vol. 1), ISBN 0882060694 (vol. 2), ISBN 0882060813 (vol. 4).
• Nikolayev, Sergei, et Sergei Starostin. 1994. North Caucasian Etymological Dictionary. Moscuae: Asterisk Press. Textus interretialis.