Lingua Casmirica
Lingua Casmirica[2] seu Caspiraea (Kŏśur) ad linguas Indicas pertinet e divisione Indoiranica familiae Indoeuropaeae. In India adhibetur in regione vallis Caspiraeorum civitatis Jammu et Kashmir; plerique et lingua Urdu loquuntur; ibi locutorum 6.797.587 a censoribus anno 2011 reperti sunt.[3] Est lingua officialis eius civitatis, unaque inter 22 linguas Indiae schedulo enumeratas. Pauci Casmirice loquentes in Pakistania, Britannia necnon Civitatibus Foederatis habitant.
| Lingua Casmirica کٲشُر कॉशुर | |
|---|---|
| IPA | [ [kəːʃur] ] |
| Taxinomia | Lingua Neoindica e divisione Indoiranica familiae Indoeuropaeae |
| Locutores | 6,797,587;[1] |
| Sigla | 1 ks, 2 kas, 3 kas |
| Status publicus | |
| Officialis | India |
| Privata | Pakistania |
| Litterae | Litterae Casmiricae |
| Scriptura | Arabica, Devanagari et Sarada |
| Procuratio | nulla |
.png)  | |
Anno 1908 Georgius Abraham Grierson, qui huic linguae assidue studuit, sic scripsit: "Kashmiri is the only one of the Dardic languages that has a literature" ("sola inter linguas Dardicas lingua Casmirica litteris ornatur"). Litterae Casmiricae a saeculo fere 13 nobis servantur. E verbis Griersoni apparet linguam Casmiricam interdum in serie linguarum Dardicarum enumerari; alii autem substratum linguisticum Dardicum recognoscunt, linguam autem in serie Indica boreoccidentali includunt.
Notae
recensere- ↑ Ethnologue (sine anno)
- ↑ "Caçmirica, Kaçmîrî": Christianus Lassen, Institutiones linguae Pracriticae (Bonnae, 1837) (Textus apud Google Books) appendix p. 19 ff.
- ↑ Linguae censuales
Nexus externi
recensere- De hac lingua apud Ethnologue
- De linguis civitatis Jammu et Kashmir
- Situs locutorum[nexus deficit] apud Linguist List
- De lingua et litteris Casmiricis
- Omkar N. Koul, "Spoken Kashmiri: a language course"
- P. N. Pushp, "Kashmiri and the linguistic predicament of the state"
- Propaganda de scriptura Devanagari ad hanc linguam scribendam utiliori
Bibliographia
recensere- G. A. Grierson, A dictionary of the Kashmiri language. Calcutta: Asiatic Society of Bengal, 1932 Versio interretialis
- Jawaharlal Handoo, Kashmiri Phonetic Reader. Mysore: Central Institute of Indian Languages, 1973
- Okmar N. Koul, S. N. Raina, Roop Krishen Bhat, Kashmiri-English Dictionary for Second Language Learners. Mysore: Central Institute of Indian Languages, 2000. ISBN 81-7342-064-5
