Lai Ching-te
Lai Ching-te, litteris Sinicis 賴清德, Anglice saepe William Lai (in oppido suburbano Wanli prope Taipeiam natus die 6 Octobris 1959) est medicus et politicus rei publicae Sinarum.
Alumnus est universitatis nationalis Cheng Kung in urbe Tainan et universitatis nationalis Taiwanensis Taipeiae necnon scholae valetudinis publicae Harvardianae in Civitatibus Foederatis. Medicus deinde operam dedit apud nosocomium almae matris Tainanensis. Legatus est conventui nationali ab anno 1996. Praefectus urbi Tainan (nuper pagis suburbanis auctae) anno 2010 iterumque anno 2014 electus est. Die 4 Septembris 2017, primo ministro Lin Chuan officium suum renuntiante, Lai Ching-te ad hoc officium convocatus est a praeside Tsai Ing-wen. Cui successurus praeses electus est die 13 Ianuarii 2024.
Bibliographia recensere
- Shih Hsiu-chuan, "2010 ELECTIONS: William Lai takes Tainan by storm" in Taipei Times (28 Novembris 2010)
- Chen Wei-han, "Lai starts reshuffle of Executive Yuan" in Taipei Times (6 Septembris 2017)
 | |
|
Chiang Kai-shek 1948 • Li Tsung-jen 1949 • Chiang Kai-shek 1950 • Yen Chia-kan 1975 • Chiang Ching-kuo 1978 • Lee Teng-hui 1988 • Chen Shui-bian 2000 • Ma Ying-jeou 2008 • Tsai Ing-wen 2016 • Lai Ching-te futurus Capsae cognatae: Primi ministri rei publicae Sinarum • Principes rei publicae popularis Sinarum | |