Ioannes Henricus Lammers

Ioannes Henricus (Hans Heinrich) Lammers (natus 27 Maii 1879 in oppido Lublinitz (Silesia), mortuus 4 Ianuarii 1962 Dusseldorpii) vir publicus Germaniae et sodalis NSDAP factionis fuit.

Ioannes Henricus Lammers anno 1941

Iuventus et munus

Pater eius medicus animaliaum fuit. Postquam in oppido Pless (Silesia) ludum litterarum ferquentavit et maturitatem adeptus est, Vratislaviae et Heidelbergae iurisprudentiae studebat. Post militiam referendarius laboravit et anno 1904 doctor iurisprudentiae promotus est. Anno 1906 succenturio factus anno 1907 secundam probationem accepit. Tum Bithomiae iudex laboravit. Ab anno 1914 miles voluntarius primo bello mundano interfuit. Anno 1917 graviter sauciatus oculum amisit et in administratione exercitus deinde laboravit. Anno 1920 minister publicus in Administerium Imperii Rerum Internarum vocatus est. Ibi ad annum 1933 in sectione iuridica laboravit, quamquam constitutionem Rei Publicae Vimarianae numquam probabat.

Familia

Lammers 1913 uxorem duxit et ex ea duas filias habuit. Uxor et filia altera anno 1945 mortem voluntariam petiverunt.

Cursus honorum

Lammers, qui antea sodalis Factionis Theodiscae Nationalis Popularis fuerat, anno 1932 ad NSDAP factionem accessit, forsitan, quod saepe alii in administerio promoti sunt. 30 Ianuarii 1933 Adolphus Hitler eum secretarium statalem in cancellaria imperii fecit. Hoc officio saepe consilia a Hitler excogitata in leges redegit. Eodem anno etiam sodalis SS factus est. 26 Novembris 1937 Lammers Administer Imperii sine officiis nominatus est. Et criminibus Nazistarum particeps erat, iner alia caedibus debilorum interfuit, quod crimen a Nazistis "Euthanasia" vocatum est. Paucis diebus, antequam secundum bellum mundanum finitum est, Hitler eum in carcerem mitti iussit, quod consilio Hermanni Göring ducis Germaniae faciendi faverat.

Iudicium et ultimi anni

Post finem belli Lammers ab Alligatis captus anno 1946 Iudicio Norimbergensi testis interfuit. 11 Aprilis 1949 Lammers ipse propter crimina belli ad viginti annos carceris damnatus est. Sed iam 16 Decembris 1951 veniam accepit et liberatus est.

Nexus externi

• Biographia in pagina shoa.de (lingua Theodisca)^{[nexus deficit]}

Consilium ministrorum Hitler (30 Ianuarii 1933 - 30 Aprilis 1945)

Adolphus Hitler (NSDAP) | Franciscus de Papen (nullius factionis) | Constantinus Baro de Neurath (NSDAP) | Ioachimus de Ribbentrop (NSDAP) | Gulielmus Frick (NSDAP) | Ludovicus Comes Schwerin de Krosigk (nullius factionis) | Henricus Himmler (NSDAP) | Alfredus Hugenberg (DNVP) | Curtius Schmitt (NSDAP) | Hjalmar Schacht (nullius factionis) | Hermannus Göring (NSDAP) | Gualterius Funk (NSDAP) | Franciscus Seldte (NSDAP) | Franciscus Gürtner (NSDAP) | Franciscus Schlegelberger (NSDAP) | Otto Georgius Thierack (NSDAP) | Wernerus de Blomberg (NSDAP) | Gulielmus Keitel (nullius factionis) | Petrus Paulus Baro de Eltz-Rübenach (nullius factionis) | Iulius Henricus Dorpmüller (NSDAP) | Gulielmus Ohnesorge (NSDAP) | Gualterius Darré (NSDAP) | Herbertus Backe (NSDAP) | Iosephus Goebbels (NSDAP) | Bernhardus Rust (NSDAP) | Fridericus Todt (NSDAP) | Albertus Speer (NSDAP) | Alfredus Rosenberg (NSDAP) | Ioannes Kerrl (NSDAP) | Hermannus Muhs (NSDAP) | Otto Meißner (NSDAP) | Ioannes Henricus Lammers (NSDAP) | Martinus Bormann (NSDAP) | Carolus Hermannus Frank (NSDAP) | Rudolphus Hess (NSDAP) | Ernestus Röhm (NSDAP) |