Ioannes Chiffletius

Ioannes Chif(f)letius (Vesontione 1614 - Tornaci 27 novembris 1666) fuit vir ecclesiasticus et scriptor Vesuntinus, qui varia scripta publicavit ad historiam religiosam et antiquitates praecipue spectantia. Iam ab anno 1632 canonicus erat in capitulo Vesuntino et ab anno 1651 canonicus Tornacensis, ubi regi Hispanorum Philippo IV inserviebat. Iuri etiam studuisse videtur.

Anulus e dactyliotheca Ioannis Chiffletii, quem papae Pio II tribuebat atque in dissertatiunculam suam delineari insculpique fecit.

De familia

Per duo saecula Chiffletii, gens patricia Vesuntina eruditorum hominum, et locupletes bibliothecas et nummophylacia collegerunt ː omnes aut iusrisconsulti, aut antiquarii et historici, aut medici aut ecclesiastici erant et plerumque Hispanorum regi morem gerebant (Vesuntio tum urbs Hispanica erat). Ioanni pater erat Ioannes Iacobus Chiffletius antiquarius et Hispanorum regis medicus (1588–1673), avus vero Iohannes Chiffletius (1550–1602) medicus antiquitatum studiosus qui Patavii medicinam didicerat et 'primus medicus' suae civitatis factus erat.

Tres fratres ei fueruntː Iulius (1610–1676), qui et ipse canonicus Tornacensis erat ac deinde abbas Balerni, Henricum Thomam (mortuus post 1671), numismatistam, et Philippum Eugenium (1630–1713).

Opera

• 1642 ː Apologetica paraenesis ad linguam sanctam..., Antverpiae.
• 1644 ː Consilium de Sacramento Eucharistiæ vltimo supplicio afficiendis non denegando, Bruxellis
• 1645 ː Palmæ cleri Anglicani, seu Breves narrationes eorum quæ in Anglia contigerunt circa mortem, quam pro religione Catholica VII. sacerdotes Angli fortiter oppetiere Bruxellis.
• 1649 ː De sacris inscriptionibus, quibus tabella D. Virginis Cameracensis ..., Antverpiae.
• 1651 ː Apologetica dissertatio de juris utriusque architectis Justiniano, Triboniano, Gratiano..., Antverpiae, ex officina Plantiniana Balthasaris Moreti..
• 1657 ː Joannis Macarii, canonici Ariensis, Abraxas, seu Apistopistus, quae est Antiquaria de gemmis Basilidianis disquisitio ... Antverpiae
• 1658 ː Annulus pontificius Pio papæ II. assertus a Joanne Chifletio Bellifontio, canonico Tornacensi, Philippo IV. regi catholico, & serenissimo principi Joanni Austriaco à sacris Oratorii
• 1661? ː Vetus imago sanctissimae Deiparae in iaspide viridi operis anaglyphi, inscripta Nicephoro Botaniatae, Graecorum imperatori nunc primum edita atque historica declaratione illustrata, Antverpiae
• 1662 ː Aqua Virgo, fons Romae celeberrimus et prisca religione sacer. Opus aedilitatis M. Agrippae in vetere annulari gemma... , Antverpiae.
• 1662 ː Socrates sive de gemmis eius imagine coelatis iudicium. (Hoc opusculum patri Ioanni Iacobo dedicavit).
• 1666 ː Judicium de fabula Joannae papissae, Antverpiae.

Fontes

• Manuscriptum Chiflet 23 in Bibliotheca Vesuntini municipii servatum ː hoc manuscriptum ab ipso Ioanne Chiffletio exaratum ad biographiam Chiffletiorum pertinet. [1]

Plura legere si cupis

• Autour des Chifflet : aux origines de l'érudition en Franche-Comté : actes des journées d'étude du Groupe Chifflet, Vesuntione, Presses universitaires de Franche-Comté, 2007 Recensio critica