Hieracium (planta)
Hieracium genus plantarum angiospermarum est, e familia Compositarum et tribu Cichoriearum.
Descriptio recensere
Hieracia herbae perennes sunt, caudice ramoso sed stolonibus nullis; indumento duplici (pilis tum glanduliferis tum stellato-floccosis); corolla flava, rarius aurantiaca rubrave;[1] receptaculo nudo, styli ramis longis, pappo praesente, achaeniis 10-costatis.[2]
Nomen huius generis a vocabulo Graeco ἱέραξ (accipiter) originem ducit propter opinionem Dioscoridis accipitres his plantis ad curandos morbos oculorum uti.[3] Pilosella, olim ut subgenus Hieracii habita, nunc tamquam genus tractatur; a Hieracio stolonibus praesentibus differt.[2]
Distributio recensere
Hieracia in Europa, Asia, America septentrionali et America meridionali crescunt.[2] Hoc genus species permultas continet, circa 10 000[4] vel etiam plus[5], quarum pars species asexuales (agamospecies seu microspecies) sunt. In Insulis Britannicis 412 species Hieraciorum crescunt.[4] Botanici qui Hieracia investigantur, hieraciologi dicuntur; inter hieraciologos Alexander Boreau, Casimirus Arvet-Touvet, et Carolus Hermannus Zahn notantur.
Notae recensere
- ↑ Bentham, G. & Hooker, J.D. (1873). Genera plantarum :ad exemplaria imprimis in Herberiis Kewensibus servata definita. Vol 2, pars 1. Reeve & Co., Londini.
- ↑ 2.0 2.1 2.2 Anderberg, A.A. et alii (2007) Compositae. In: Kubitzki, K. (ed.), The Families and Genera of Vascular Plants, VIII: Flowering Plants, Eudicots, Asterales, 61–588. Springer, Berlin–Heidelberg–New York. ISBN 978-3-540-31050-1
- ↑ Gilbert-Carter, H. (1964). Glossary of the British flora. (Ed. 3a) Cambridge Univ. Press, Cambridge.
- ↑ 4.0 4.1 Sell, P. & Murrell, G. (2006). Flora of Great Britain and Ireland. Volume 4, Campanulaceae–Asteraceae. Cambridge Univ. Press, Cambridge. ISBN 978-0-521-55338-4
- ↑ https://www.ipni.org/?page=10&q=genus%3AHieracium
Bibliographia recensere
- Schou, J. Ch. (2001) Danmarks Høgeurter (Hieracium, Pilosella). Afdeling for Systematisk Botanik, Aarhus Universitet. ISBN 87-87600-57-9
- Sell, P.D. (1987) An introduction to the study of the British Hieracia, 1. History and classification. Watsonia, 16: 365–371. http://archive.bsbi.org.uk/Wats16p365.pdf
- Shaw, M.M. (2020) Hawkweeds of south-east England. BSBI Handbook 20. Botanical Society of Britain and Ireland, Durham. ISBN 978-0-901158-57-4
- Tyler, T. (2017) The last step towards a full revision of Hieracium sect. Vulgata in Sweden. Nordic Journal of Botany, 35 (3): 305–321. https://doi.org/10.1111/njb.01209
- Zahn, K.H. (1921–1923) Compositae–Hieracium. In: Engler, A. (ed.), Das Pflanzenreich – Regni vegetabilis conspectus. [Volumina 75–79]. W. Englemann, Leipzig.