Germanus Titov

Germanus Stephani filius Titov (Russice: Герман Степанович Титов, tr. German Stepanovič Titov; 11 Septembris 1935–20 Septembris 2000) fuit secundus cosmonauta Sovieticus qui in spatium praeter orbem terrarum iactus est.

Germanus Titov

Res apud Vicidata repertae:

Germanus Titov: imago

Germanus Titov: subscriptio

Nativitas: 11 Septembris 1935; Verkh-Zhilino
Obitus: 20 Septembris 2000; Moscua
Patria: Unio Sovietica, Russia

Familia

Genitores: Stepan Titov;

Memoria

Sepultura: Sepulcretum Novodevicense

Cosmonautae Russici anno 1965 picti: proximi a sinistra parte Vladimirus Komarov, Georgius Gagarin, Valentina Tereškova, Andrianus Nikolaev, Constantinus Feoktistov, Paulus Beljaev; imi a sinistra parte Alexius Leonov, Germanus Titov, Valerius Bykovskij, Boris Egorov, Paulus Popovič

Biographia

Germanus Titov natus est die 11 Septembris 1935 in vico Verchnee Žilino nunc ad territorium Altaicum Russiae pertinenti. Anno 1957 Novosibirsci in urbe complevit studium in schola militari artis aviaticae Stalingradensi, postea ut aviator militaris meruit.

Ab anno 1960 ad annum 1970 Titov erat in caterva cosmonautarum. Diebus 6–7 Augusti anni 1961 volatum in nave cosmica Vostok-2 («Восток-2», i.e. 'Oriens-2'), 25 h. durantem, in spatium cosmicum fecit et 17 circumvolationes Telluris perfecit. Die 9 Augusti 1961 titulum Herois Unionis Sovieticae accepit. Praeterea, multa alia praemia Sovietica (e.g. Praemium Leninianum anno 1988) atque terrarum extranearum accepit.

Annis 1972–1991 Titov in Administratione suprema rerum cosmicarum Ministerii defensionis Unionis Sovieticae favebat operi. Annis 1992–1993 praeses Sedis internationalis scientificae technicae artis cosmonauticae et electronicae Kosmoflot (i.e. 'Classis cosmica'), annis 1993–1995 vicarius praesidis consilii Sedis Russicae conversionis complexus aerocosmici, et ab anno 1999 praeses Foederationis cosmonauticae Foederationis Russicae.

Germanus Titov, socius Factionis Communisticae Unionis Sovieticae ab anno 1961, annis 1962–1970 erat legatus Consilii (Sovieti) Supremi URSS. Annis 1995–2000 legatus Consilii (Dumae) Publici Foederationis Russicae erat.

Titov nonnullos libros scripsit: 700 000 chiliometra in spatio cosmico («700 000 километров в космосе», anno 1961), Ars aviatica et spatium cosmicum («Авиация и космос», anno 1963), etc.

Mortuus est die 20 Septembris 2000 Moscuae.

Fons

• Biographia Germani Titov in situ Heroes terrae

Nexus externi

Vicimedia Communia plura habent quae ad Germanum Titov spectant.

• Pagina de Germano Titov in situ interretiali Heroes terrae (Russice)