Hancheum

Hancheum^[1] (Sinice 杭州 Hángzhōu)^[2] est urbs Sinarum et caput provinciae Cechianae in re publica populari Sinarum. Inter sex antiqua capita Sinensia enumeratur.

Hancheum

Res apud Vicidata repertae:

Civitas: Res publica popularis Sinarum
Locus: 30°15′0″N 120°10′3″E
Numerus incolarum: 11 936 010
Zona horaria: UTC+8
Situs interretialis
Nomen officiale: 杭州市

Gestio

Consilium: Q106007036
Procuratio superior: Cechiana

Geographia

Superficies: 16 853.57 chiliometrum quadratum
Regiones urbanae: Shangcheng District, Gongshu District, Xihu District, Hangzhou, Binjiang District, Xiaoshan District, Yuhang District, Tonglu County, Chun'an County, Jiande, Fuyang District, Lin'an District, Linping District, Qiantang District

Coniunctiones urbium

Urbes gemellae: Unterschleißheim, Bostonia, Civitas Capitis, Dresda, Leeds, Alajuela, Nicaea, Ovetum, Curitiba, Indianapolis, Pīsae, Cancún, Benito Juárez Municipality, Matsue, Verona, Heidelberga, Hamamatsu, Camberra, Paramaribo

Tabula aut despectus

Historia recensere

Lacus occidentalis (Xi hu), amoenitas urbis Hanchei praecipua

In pagis suburbanis urbis hodiernae Hanchei reperiuntur situs archaeologicus Kuahuqiao atque vestigia urbis praehistoricae Liangzhu, locus praecipuus culturae cui idem nomen datur locusque patrimonii mundani.

Pagoda Liuhe anno 970 aedificata

Nomen antiquissimum huius urbis fuit Yuhang 餘杭, cui nomini veteres etymologi significationem "traiectus Yu" attribuerunt: Yu enim, rex mythicus, saeculo fere XXII a.C.n. duces bellorum meridianos hoc loco congregaverit. Anno 589^[3] novum nomen Hangzhou, scilicet "praefectura traiecti" acceptum est.^[4] Anno 1141, imperatore Gaozong ibi refugium petente, urbs cognomen meruit Xingzai scil. "domus imperatoris temporaria", e quo derivatur appellatio Europaea mediaevalis Quinsai.^[5]^[6]

Imago Hanchei in libro manuscripto anni 1412 de peregrinatione Marci Pauli Veneti

Urbs Yuhang (ab hodiernis Hangzhou appellata) in imperium Sinense anno fere 222 a.C.n. comprehensa est sub praefectura antiqua Kuaiji. Inter annos 907 et 978 caput fuit regni Wuyue.

Notae recensere

↑ "Hancheum, Hancheu, in Chequianensi": "Sinae" in Iohannes Iacobus Hofmannus, Lexicon universale (1698) ~
↑ Vb. adiect. "Hangzhouensis" in nominibus biologicis reperitur
↑ Ita en:wiki
↑ Pronuntiatu Mandarinorum [xɑ̌ŋtʂóʊ] sed dialectu Hancheensi [ɦaŋ tsei]
↑ E.g. Marcus Paulus Venetus, De regionibus Orientalibus lib. 2 cap. 64 "De nobili civitate Quinsai"
↑ Linda Cooke Johnson, ed., Cities of Jiangnan in Late Imperial China (SUNY Press, 1993) p. 18 (Paginae selectae apud Google Books)

Bibliographia recensere

Porta urbana anno 1906 lucis ope picta

"Hangchow" in Carl Crow, The travelers' handbook for China. 3a ed. (Novi Eboraci: Dodd, Mead, 1921) p. 116 ff. Textus
Xiaolin Duan, The Rise of West Lake: A Cultural Landmark in the Song Dynasty. University of Washington Press, 2020 (Paginae selectae apud Google Books)