Caseus Gruyerensis[1] seu Gruerinus[2][3] durus luridusque e lacte boum crudo factus, ex urbe Grueria circuloque Grueria Helveticis nominatus est. In pagis Friburgo, Valdense, Neuchâtel, Iura et Berna conficitur. Tales casei formam cylindri habent, diametro inter 55 et 65 cm, largitudine inter 9,5 et 12 cm, pondere vel 35 kg.[4]

Caseus Gruyerensis

Casei modi similis et eiusdem nominis etiam alibi fiunt: sub nomine Gruyère in partibus orientalibus Franciae; olim sub nomine Gruviera in Italia; hodie sub nomine Grabiera (Γραβιέρα) in Graecia. Caseus Francicus hodie Comté nominatus olim sub appellatione Gruyère de Comté notus est; casei Francici Abondance et Bellifortis fere eodem modo fiunt et in "familia Grueriensi" rite includuntur.

Appellationes Verificatae recensere

  • Caseus sub nominibus macaronicis Gruyère Switzerland et Greyerzer Switzerland[5] in Helvetia venundatus debet in regione delimitata et in modis definitis fieri; qui caseus ab anno 2001 appellationem originis verificatam habet. Addenda sunt alia verba rite definita: Gruyère réserve (inter 10 et 16 menses reservatus) et Gruyère alpage ("saltuensis" et inter 5 et 10 menses reservatus).
  • Caseus sub nomine Gruyère in quindecim praefecturis Franciae orientalis confectus ab anno 2007 appellationem in Francia protectam habet; appellationem Europaeam petitur.

Notae recensere

Bibliographia recensere

Nexus externi recensere