Gens Sepullia fuit gens Romana plebeia a primo saeculo a.C.n. memorata. Per nummos notus est Publius Sepullius Macer qui anno 44 a.C.n. quattuorvir monetalis[1] fuit cum Lucio Aemilio Buca, Gaio Cossutio Maridiano et Marco Mettio. Hoc anno primum homini vivo, Gaio Iulio Caesari, effigiem suam nummis imprimere licuit. Itaque Sepullius Macer denarios capite laureato dictatoris signavit et post Idus Martias capite barbato (luctus causa) et velato Marci Antonii. Quinarios et sestertios quoque percussit[2]. Notus insuper erat orator Sepullius Bassus a Seneca rhetore memoratus[3].

Denarius a Publio Sepullio 44 a.C.n. signatus, adhuc vivo Caesareː ex una parte caput dictatoris perpetui, ex altera Venus Genitrix victoriolam manu porrigens.
Denarius iam mortuo Caesare a Sepullio signatus et Clementiae Caesaris dedicatus. Ex una parte templum, ex altera desultor duos equos simul agens, corona et palma et nomen viri monetalisː P. SEPVLLIVS MACER.

Alii Sepullii in monumentis funerariis memorantur, e quo apparet multos Patavio oriundos fuisseː

  • Gaius Sepullius C. l. Abdaeus, libertus Romae sepultus sive ultimis annis primi saeculi a.C.n. sive ineunte primo saeculo p.C.[4].
  • Publius Sepullius P. l. Florens, libertus Patavii primo saeculo sepultus[5].
  • Gaius Sepullius C. f. Maturus, in monumento ab Ettia C.f. Prima primo saeculo Patavii erecto sepultus[6].
  • Publius Sepullius P. f. Tacitus, primo saeculo Patavii sepultus.[7]
  • Gaius Sepullius Onesimus, officinator, Patavii sepultus[8].
  • Gaius Sepullius C. f. Rufus, Cyzici in Asia, una cum uxore Caecinia L. f. Prima[9].
  • Sepullia Fausta, liberta, tibicinis Gai Urveili Pedonis uxor, Aquini sepulta.[10]
  • Sepullius quidam (servus?), secundo saeculo Interamnae monumentum in Timeti memoriam dedicavit [11].

Alias et in fictilibusː

Aut in aliis inscriptionibusː

Notae recensere

  1. Triumviri magistratus monetales solebant esse, tum vero quartum addidit dictator Caesar.
  2. Ernest Babelon, Description historique et chronologique des monnaies de la République romaine t.II, 1885ː 438-441. Apud Dioscuros denarius Marcum Antonium barbatum et velatum exhibens. Ibidem sestertius ab eodem quattuorviro signatus. Cf Michael Crawford, Roman Republican Coinage, 1985ː 480
  3. Controversiae, III 16-17 et 20–22
  4. CIL 6, 19521.
  5. CIL 5, 3036.
  6. CIL 5, 2948.
  7. CIL 5, 3037.
  8. CIL 5, 2885.
  9. CIL 3, 373.
  10. AE 1974/235.
  11. AE 2010/260.
  12. CIL 12, 05686,0819, CIL 5, 8112, 76a-e.
  13. CIL 4, 60.