Franciscus Calceolarius

Franciscus Calceolarius, vulgo Francesco Calzolari (natus Veronae die 10 Iulii 1522; Ripulis^[1] die 5 Martii 1609 mortuus) fuit pharmacologus et botanista. Filius speciarii, munere patris functus est. In universitate Patavina eruditus est, ubi Aloysium Anguillaram^(it) audivit. Eo tempore Ulyssem Aldrovandum cognovit atque per eum Lucam Ghinium. Saepe montem Baldum prope Veronam peragrabat, plantas rariores semper quaerens; quarum expeditionum celeberrima est illa anno 1554 suscepta, comitantibus Aldrovando, Anguillara, Andrea Alpago Bellunensi. Narrationem brevem huius itineris Calceolarius ipse post duodecim annos divulgaverit, titulo Il viaggio di Monte Baldo; cuius opusculi versio Latina anno 1571 prodiit. Calceolarius musaeum Veronae confecit quod Benedictus Cerutus, adiuvante Andrea Chiocco, descripserit.

Res apud Vicidata repertae:

Nativitas: 10 Iulii 1522; Verona
Obitus: 5 Martii 1609; Ripulae Veronenses
Patria: Res publica Veneta

Officium

Munus: medicamentarius, botanista

Scripta recensere

1566 : Il viaggio di Monte Baldo della magnifica città di Verona. Venetiis: appresso Vincenzo Valgrisi Textus apud Internet Archive
1571 : Iter Baldi civitatis Veronae montis. Venetiis: Valgrisius Textus

Notae recensere

↑ "in amoenissimam quandam suam villam cui Ripulae nomen, ad Baldi radices, se contulit": Cerutus (1622) p. 15

Bibliographia recensere

Benedictus Cerutus, Andreas Chioccus, Musaeum Franc. Calceolarii iun. Veronensis. 1622 Textus apud Internet Archive
Giuliano Gliozzi, "Calzolari, Francesco" in Dizionario biografico degli Italiani (Romae: Treccani, 1974)

Nexus externi recensere

Lexica biographica: Treccani • IPNI • Dizionario biografico degli Italiani • Deutsche Biographie

[1] "in amoenissimam quandam suam villam cui Ripulae nomen, ad Baldi radices, se contulit": Cerutus (1622) p. 15

[1]