Aperire sectionem principem
Conexio Ethernet retis localis (LAN).

Ethernet[1] est familia technologiarum, quibus computatra inter se conectuntur ad LAN sive rete loci. Anno 1980, commercio inlatum est, annoque 1985 ad praestitutum exemplar IEEE 802.3 confirmatum. Ethernet aliis artibus praestitit, qua de causa ARCNET et Token Ring passim de usu submota sunt.

Ethernet stratum physicum (vel stratum 1) et stratum conexionis datorum (vel stratum 2) systematis OSI in effectum perficit. Prius ARCNET, Token Ring et alia systemata passim adhibita sunt. Nunc autem Ethernet per caplum bifile contextum, quod etiam 10 Base T appellatur, et Wi-Fi (ad rete quod sine filamento operatur) sunt in praesenti duae omnium vulgatissimae technologiae retibus locorum creandis dedicatae.

Technologia Ethernet ab anno 1973 ad 1974 creabatur apud societatem Xerox PARC a Roberto Metcalfe, qui permotus erat systemate ALOHA, cui in parte suae dissertationis doctoralis studuerat.[2] Systemata trans Ethernet communicantia flumen datorum in breviores fasciculos (frames) digerunt, quos algorismus CSMA/CD modulatur. Omnes fasciculi suam quisque profectionis et destinati loci inscriptionem continent nec non notitias ad errorum recognitionem pertinentes.

Normae Ethernet multas conexionum varietates ad stratum physicum OSI pertinentes habent. Ethernet 10BASE5, primum systema etiam pingue appellatum, caplo coaxiali usum est, in cuius locum postea caplum binis filis contextum et fibra optica substituta sunt. Velocitas transmissionis circumscripte aucta est: in principio fuit decem Mbit/s (prima velocitas). Nunc est centum Gbit/s.

NotaeRecensere

  1. De Ethernet in Dictionary.com (Anglice).
  2. Brock 2003: 151.

Nexus interni

BibliographiaRecensere

  • Brock, Gerald W. 2003. The Second Information Revolution. Cantabrigiae Massachusettae: Harvard University Press.

Nexus externiRecensere

  Vicimedia Communia plura habent quae ad ethernet spectant.