Epyllion
Epyllion (Graece ἐπύλλιον) est breve carmen epicum, carmen quidem doctum, forma expolitum, curiose limae labore perfectum. Saepe hexametris componitur. Quamvis nomen saeculo secundo p.C.n. ortum sit, tamen carmina huius generis iam saeculo tertio a.C.n. Alexandria primus Callimachus Cyreneus composuerat. Theocritus et Moschus Syracusani poëtae etiam epyllia scripserunt.
Materia epylliorum plurimum mythologia, rectius singula e mythologia excerpta, quibus nonnulli saepe excursus illis re similes, vel exordio consimiles fine autem oppositi, adduntur.
Epyllion gratum doctoribus poëtisque Graecianis propter brevitatem, levitatem, formamque suam curatam.
Epyllia clara recensere
- Hecale, carmen a Callimacho saeculo tertio a.C.n. compositum
- Europa, carmen a Moscho saeculo secundo a.C.n. compositum
- Carmen LXIV anthologiae C. Valerii Catulli, saeculo primo a.C.n compositum, quod de nuptiis Pelei et Thetidis narrat
- Venus and Adonis, carmen a Shakesperio saeculo sexto decimo Anglice compositum
 |
 |