Porcina Dongpo

Porcina Dongpo, Sinice 東坡肉 Dōngpō ròu est ferculum typicum urbis Hanchei (Hangzhou) in provincia Cechiana Sinarum sed in aliis regionibus nonnullis simili modo paratum.

Gastronomia Zhejiangensis^(en): Dongpo rou ("porcina Dongpo") sicut Jiaxing in urbe illius provinciae infertur

Compositio

Su Dongpo: effigies anno circiter 1300 a calligrapho Zhao Mengfu picta

Ventrem porcinum assas; deterge, ne laves. Condies cum cepullis candidis, gingibere. Ut primum bullierit, expressum in offulas dissecabis. Saccharum coques in patina. Cum coloraberit, mittes porcinam, liquamine soia et vino Shaoxingensi suffundes, cooperies. Facies ut quam lentissime ferveat. Depones, macerabis. Postridie calefacies, ex iure suo inferes.

Dongpo rou ("porcina Dongpo") sicut dispertiri solet, concisis cepullis viridibus inspersis

Ferculum ad honorem poëtae Su Dongpo nominatur, magistrati saeculo XI urbis Hanchei, qui in carmine 豬肉頌 "Porcinae laus" methodum paucis verbis describere videtur:

凈洗鐺

少著水

柴頭罨煙焰不起。

待他自熟莫催他

火侯足時他自美。

黃州好豬肉

價賤如泥土。

貴者不肯喫

貧者不解煮

早辰起來打兩碗

飽得自家君莫管。

("Igne leni cocta, aqua quam minima, tempore satis dato aurea florebitur. Patienter exspecta: sine sensu festinas. Hanchei porcina optima pretio stercoris venditatur. Dives edere recusat; pauper parare nescit. Patellis sic duobus matutine datis, aliud nihil desidero").

Bibliographia

• William Chan Tat Chen, Bin Gao, "La Cuisine chinoise" in Michel Aufray, Michel Perret, edd., Cuisines d'Orient et d'ailleurs (Grenoble: Glénat, 1995. ISBN 2-7234-1792-1) p. 188
• Fuchsia Dunlop, Land of Fish and Rice (Londinii: Bloomsbury, 2016) pp. 86-87
• Françoise Sabban, "La Diète parfaite d'un lettré retiré sous les Song du Sud" in Etudes chinoises vol. 16 n° 1 (1997), vide p. 35

Nexus interni

• Porcina in braza rubra

Nexus externi

• "Dongpo Braised Pork Belly" apud Emilylogues
• "Slow-braised pork belly: Dongpo Pork (東坡肉)" (30 Martii 2005) apud Cha Xiu Bao
• Chung Meng Leong, "Food Fit for a Poet" (Martio 2020) apud The World of Chinese
• "Classic Dong Po Pork" apud Choochoo-ca-chew
• "The Best Ever Sous Vide Chinese Pork Belly (Dongpo Rou)" (19 Martii 2020) apud Kind of Cooking
• "Braised pork belly Dong po rou" apud The Woks of Life
• "Video: How to make braised Dongpo pork" in Straits Times (8 Maii 2016)