Claudius Aelianus

Claudius Aelianus

Res apud Vicidata repertae:

Nativitas: 2. saeculum; Praeneste
Obitus: 235; Roma
Patria: Roma antiqua
Nomen nativum: Κλαύδιος Αἰλιανός

Officium

Munus: scriptor, orator, Rerum gestarum scriptor, zoologus, magister, poëta

Claudius Aelianus (natus c. 165-170, mortuus c. 230-235), fuit scriptor Romanus, qui notissimus est hodie ob varias narratiunculas quas Graece scripsit. Secundum Sudam Aelianus fuit libertus e Praeneste, urbe Italica, ortus qui, cum eloquentiam Graecam e Pausania Caesariensi didicerat, tam dulce lingua Graeca utebatur, ut μελίγλωσσος ἢ μελίφθογγος (meliglōssos ē meliphthongos 'mellilinguis et mellisonus') vocaretur. Philostratus in Vitis sophistarum dicit Aelianum dialecto Attica usum esse perinde ac Athenienses in Attica mediterranea (ἠττικίζειν ὥσπερ οἱ ἐν τῇ μεσογείᾳ Ἀθηναῖοι); ipse autem dicebat se neque umquam ab Italia afuisse neque mare transisse.

Opera

• De natura animalium (περὶ ζῴων ἰδιότητος), 17 libri (Graece, versio Latina moderna)
• Varia historia, 14 libri (Graece et Francogallice)
• Epistulae rusticae, 20 epistulae

Bibliographia

• Lucía Rodríguez-Noriega Guillén, "Autoridad e inspiración en época imperial: análisis de algunos pasajes paralelos en Ateneo y Eliano" in Fortunatae no. 32 (2020) pp. 643-663