Circuitus Franciae 2016

Circuitus Franciae 2016 fuit centesima prima editio Circuitus Franciae, certaminis birotationis. Die 24 Novembris 2014 Societas Disportus Amaury nuntiavit certamen in Manica departamento Francico primum in historia circuitus incipere.^[1]^[2] Certamen unam stationem in Andorra habet.^[3]

Manus

Viginti duo manus editioni 2016 Circuitus Franci intersunt. Omnes duodeviginti WorldTeams UCI invitati sunt, et revera interesse debent.^[4]

Equites

Praecipui equites dilecti ante certamen fuerunt Christophorus Froome, Nairo Quintana, et Albertus Contador. Alii petitores praecipui in classificatione generali fuerunt Ricardus Porte, Theobaldus Pinot, Fabius Aru, Geraint Thomas, Vincentius Nibali, Romanus Bardet, et Tejay Van Garderen.^[5]^[6]

Iter et stationes

Iter Circuitus Franciae 2016 a Christiano Prudhomme directore certaminis in Palatio Congressuum Lutetiae die 20 Octobris 2015 revelatum est.^[7] Duos certaminis temporis eventus continet, quorum ambo sunt petitorum singulorum. Auctores stationes reliquas undeviginti in tres categorias dividunt: stationes planas, stationes montanas mediocres, et stationes montanas. Sunt quinque stationes montanae, quarum quattuor in culmine montis finient: statio 9, ad Andorra-Arcalis; statio 12, ad Montem Ventosum; statio 17, ad Finhaut Émosson; et statio 19, ad Saint-Gervais-les-Bains. Auctores duo dies otii mandaverunt. Certamen certamini prioris anni est 174.7 chiliometra longius.

Christophorus Froome, summus athleta defendens, postquam iter nuntiatum est dixit se spectare cursum ei accommodare melius quam cursus prioris anni. "Puto," ait, "perfectum birotarium vincere, sed statio quae mihi eminet profecto est Mons Ventosus."^[8]^[7]

Stationes et consecutiones^[7]
Statio	Diece	Iter	Spatium		Victor
1	2 Iulii	Mont Saint-Michel – Utah Beach, Sanctam Mariam Montis	188 km	Statio plana	Marcus Cavendish
2	3 Iulii	Saint-Lô – Cherbourg-Octeville	182 km	Statio clivosa	Petrus Sagan
3	4 Iulii	Granville – Angers	222 km	Statio plana	Marcus Cavendish
4	5 Iulii	Saumur – Augustoritum	232 km	Statio plana	Marcellus Kittel
5	6 Iulii	Augustorito – Le Lioran	216 km	Statio mediocriter montana	Gregorius Van Avermaet
6	7 Iulii	Arpaiono super Ceram – Montem Albanum	187 km	Statio plana	Marcus Cavendish
7	8 Iulii	L'Isle-Jourdain – Lac de Payolle	162 km	Statio mediocriter montana	Stephanus Cummings
8	9 Iulii	Palo – Bagnères-de-Luchon	183 km	Statio montana	Christophorus Froome
9	10 Iulii	Vielha Val d'Aran (Hispania) – Andorra-Arcalis (Andorra)	184 km	Statio montana	Thomas Dumoulin
	11 Iulii	Andorra		Dies otii
10	12 Iulii	Escaldes-Engordany (Andorra) – Revel	198 km	Statio mediocriter montana	Michael Mathews
11	13 Iulii	Carcasone – Monspessulanum	164 km	Statio plana	Petrus Sagan
12	14 Iulii	Monspessulano – Montem Ventosum	185 km	Statio montana	Thomas De Gendt
13	15 Iulii	Bourg-Saint-Andéol – La Caverne du Pont-d'Arc	37 km	Certamen temporis hominum singulorum
14	16 Iulii	Montélimar – Villars-les-Dombes - Parc des Oiseaux	208 km	Statio plana	Marcus Cavendish
15	17 Iulii	Bourg-en-Bresse – Culoz	159 km	Statio mediocriter montana	Jarlinson Pantano
16	18 Iulii	Moirans-en-Montagne – Bernam (Helvetia)	206 km	Statio mediocriter montana	Petrus Sagan
	19 Iulii	Bernae (Helvetia)		Dies otii
17	20 Iulii	Berna (Helvetia) – Finhaut Émosson (Helvetia)	184 km	Statio montana	Ilnur Zakarin
18	21 Iulii	Sallanches – Megève	17 km	Certamen temporis hominum singulorum	Christophorus Froome
19	22 Iulii	Albertville – Saint-Gervais-les-Bains	146 km	Statio montana	Romanus Bardet
20	23 Iulii	Megève – Morzine	146 km	Statio montana	Ion Izagirre
21	24 Iulii	Cantiliaco – Lutetiam	113 km	Statio plana	Andreas Greipel