Cibus nimis machinatus (Francogallice Aliment ultratransformé) in fabricis e transformatione rerum naturalium operationibus chemicis conficiuntur. Definitio cibi nimis machinati a Carolo A. Monteiro et collegis primum anno 2010 in illa "Nova" classificatione alimentorum data est.

Segmina patatarum suppositicia cum aliis cibis machinatis in taberna catenae Walmart in oppido Wenatchee Civitatum Foederatarum venditantur.

Tales cibi gustum placere, famem voracitatemque devincere valent. Confectoribus et venditoribus emolumenta generosiora conferunt quam quae a cibis simplicioribus adportantur. Qui autem quotidie consumere solent obesitate morbisque pluribus necnon morte rapidiore periclitari censentur; sunt qui crebritatem cancrorum variorum in hominibus iuvenioribus crescentem e frequenti consumptione ciborum machinatorum partim oriri arguant atque e mundano istius diaetae quae "occidentalis" nuncupatur incremento.[1] Usus ciborum machinatorum e conversione industriali et globalizatione magna parte oritur: inde enim maximae fabricae chemicae et culinariae evolverunt; inde etiam homines plurimi in urbibus habitantes, longas horas laborantes, e retibus ruralibus exclusis, alimenta cito parata cito consumpta quaesiverunt. Inde confectores per omnem orbem terrarum praxim clientium idealium comsumptricem propagare possunt.

Placentarum Neapolitanarum imitationes inter cibos gelatos in Norvegia venditae.

Iam ante conversionem industrialem Yuan Mei gastronomus Sinensis de usu productuum artificiosorum ut sapor colorque ciborum accommodaretur monuit: "Neque caramelum(en) ad colorem ferculi mutandum, neque saporifera adhibere licet ad aromata addenda".[2]

Notae recensere

  1. Tomotaki Ugai et al., "Is early-onset cancer an emerging global epidemic? Current evidence and future implications" in Nature Reviews Clinical Oncology (Octobri 2022).
  2. One should not resort to caramel for the sake of adding colour to a dish, and one should not resort to flavourings for the sake of adding fragrance to a dish. Versio Anglica: Yuan Mei, Suiyuan shidan, 1796 (Sean J. S. Chen, ed. et interpr., Recipes from the Garden of Contentment [Great Barrington Massachusettensium: Berkshire Publishing, 2018] (p. 27 apud Google Books)).

Nexus interni

Bibliographia recensere

Generalia
De natura et denominatione
De usu
De effectu

Nexus externi recensere