Caietanus Kossowicz

Caietanus Andreae filius Kossowicz (Russice Каэтан Андреевич Коссович), 2 Maii^[1] 1814 Polotiae natus et 26 Ianuarii^[2] anno 1883 Petropoli mortuus, fuit hellenista et orientalista Russicus originis Polonicae vel Albaruthenicae, Avestae interpres Latinus et inscriptionum Persicarum editor.

Vita

In familia sacerdotis Graeco-Catholici natus, Ignatii Kossowicz frater, in schola Piaristarum Polotiae, post in gymnasio Vitebscensi et in Universitate Moscuensi educatus, quam anno 1836 finivit; Bessarionem Belinskij ibi novit, postea apud Stephanum Ševyrëv habitabat et Borisi Čiċerin Ioannisque Minaiev magister fuit. In gymnasiis Tueriae (ab anno 1839 ad 1843) et Moscuae (1843—1849) docebat, ab anno 1849 in Petropoli, ubi Alexii Maikov magister fuit, ab anno 1850 in Bibliotheca Nationalis Russica et ab anno 1858 in Universitate Petropolitana. Multas linguas orientales docebat, Sanscritam et Hebraicam, et primus in Russia Avestanam et Persicam antiquam.

Opera

Cum fratre Ignatio lexicon Graeco-Russicum edidit (1848); ipse lexicon Sancsrito-Russicum componere coepit (1859), sed opus non perfecit. Raphaelis Kühner^(de) artem grammaticam Graecam Russice vertit et Guilielmi Gesenii^(de) artem grammaticam et chrestomatiam Hebraicam.

Multa opera Sancritica Russice vertit (inter alia Bhagavadgītām) et partes Avestae Russice et Latine^[3]. Opus Kossowicz magnum est editio inscriptionum Persicarum cuneiformium plena cum versione Latina (1874).

Notae

↑ Calendario Iuliano, scilicet 14 Maii Gregoriano.
↑ Calendario Iuliano, scilicet 7 Februarii Gregoriano.
↑ V. indicem editionum plenum.

Nexus externi

Lexica biographica: • Deutsche Biographie •

[1] Calendario Iuliano, scilicet 14 Maii Gregoriano.

[2] Calendario Iuliano, scilicet 7 Februarii Gregoriano.

[3] V. indicem editionum plenum.

[1]

[2]

[3]