Beniaminus Penhallow Shillaber

Beniaminus Penhallow Shillaber (Portus Ostii Novae Hantoniae 12 Iulii 1814—Chelsea Massachusettae 25 Novembris 1890) fuit typographus, editor, poeta, et humorista Americanus, qui commentarios nomine Mrs. Partington (Domina Partington) saepe scripsit.

Beniaminus Penhallow Shillaber.

Shillaber typographus in officio impressionis anno 1830 laborare coepit. Bostoniam mox annis 1830 immigravit, ubi editor Boston Daily Post et Saturday Evening Gazette factus est. Pro Post, Shillaber Mrs. Ruth Partington, personam fictam, tradidit, quae Domina Malaprop Americana videbatur.

Anno 1851, Shillaber The Carpet-Bag magazinam condidit et edere coepit cum Carolo G. Halpine, socio negotiorum. Fasciculus Kalendarum Maiarum 1852 "The Dandy Frightening the Squatter," commentarium brevem a Samuele L. Clemens protulit, sedecim annos nato, deinde Mark Twain appellato. Ike Partington, persona ficta et Domini Partington fratris filius, Thomam Sawyer in The Adventures of Tom Sawyer fortasse movit. Twain Mrs. Partington aperte in libro Roughing It nominat.

Opera selecta

Domina Partington, circa 1858.

• Rhymes With Reason and Without (1854)
• Life and Sayings of Mrs. Partington (1854)
• Knitting-Work: A Web of Many Textures, Wrought by Ruth Partington (1859)
• Partingtonian Patchwork (1873)
• Ike and his Friends (1879)
• Wide-swath, Embracing Lines in Pleasant Places: And Other Rhymes Wise and Otherwise (1882)

Bibliographia

• Clemens, Cyril. 1941. Benjamin Shillaber and His "Carpet Bag." The New England Quarterly 14(3): 519–537.
• Martin, Justin. 2014. Rebel Souls: Walt Whitman and America's First Bohemians. Bostoniae: Da Capo Press. ISBN 9780306822261.
• Rasmussen, R. Kent. 2007. Critical Companion to Mark Twain: A Literary Reference to His Life and Work. Novi Eboraci: Infobase Publishing. ISBN 9780816053988.
• Reed, John Quincy. 1972. Benjamin Penhallow Shillaber. Novi Eboraci: Twayne Publishers.

Nexus externi

Vicimedia Communia plura habent quae ad Beniaminum P. Shillaber spectant.

• "Shillaber's Ike and Tom Sawyer"
• "Mrs. Partington" from The Cambridge History of English and American Literature