Agmen carminum

Agmen carminum (Anglice songline), etiam trames somniandi (dreaming track) late appellatus, sed ab Australiani Aboriginalibus Vestigia Maiorum (Footprints of the Ancestors) et Via Doctrinae (Way of the Lore) appellatus, in religione Aboriginali Australiana est via trans terram (vel aliquando caelum) ducens, iter indicans quod entes creatores tempore somniandi sequebantur et quidem iam sequuntur. Tramites agminum carminum in carminibus, fabulis, saltationibus, picturis traditionalibus commemorantur. Secundum doctrinam Aboriginalem, homo eruditus terram peragrare potest vocabula carminis iterans, quae loca magni momenti, fontium, aliarumque rerum naturalium describunt. Aliquando, tramites entium creatorum manifesti dicuntur ex eorum signis, vel petrosomatoglyphis, sicut depressiones magnae in solo, quae eorum vestigiis appellantur.

Inter gentem Yarralin Vallis Fluminis Victoriae, Aspidites melanocephalus est spiritus ex tempore somniandi, nomine Walujapi, qui in agmine carminum commemoratur.

Nexus interni

• Animismus
• Arcus fabularum
• Bruce Chatwin
• Ethnogeologia
• Lineae Leianae
• Ratio locorum
• Serpens Arcuatus

Bibliographia

• Bradley, John, et Yanyuwa Families. 2010 Singing Saltwater Country: Journey to the Songlines of Carpentaria. Allen & Unwin, ISBN 9781742372419.
• Cairns, Hugh, et Bill Yidumduma Harney. 2003. Dark Sparklers: Yidumduma's Wardaman Aboriginal Astronomy: Night Skies Northern Australia.^{[nexus deficit]} H. C. Cairns. ISBN 9780975090800.
• Chatwin, Bruce. 1987, 2012. The Songlines. Praefatio Rory Stewart. Novi Eboraci: Penguin Books. ISBN 9780142422571.
• Lawlor, Robert. 1991. Voices of the First Day: Awakening in the Aboriginal Dreamtime. Inner Traditions/Bear. ISBN 9780892813551.
• Popp, Tom, N. Popp, et Bill Walker. 1997. Footprints on Rock: Aboriginal Art of the Sydney Region. Metropolitan Local Aboriginal Land Council. ISBN 9780731310029.
• Taçon, Paul. 2005. Chains of Connection. Griffith Review 9: 70–76. ISSN 1448-2924.
• Tonkinson, Robert. 1978. The Mardudjara Aborigines: Living the Dream in Australia's Desert. Holt, Rinehart and Wilson. ISBN 0030398215.
• Watson, Helen, et David Wade Chambers. 1989. Singing the Land, Signing the Land: A Portfolio of Exhibits. Deakin University Press. ISBN 9780730006961.